Almatynyń «Qairat» fýtbol klýb Qazaqstan chempionatynyń «altyn» júldesin jeńip aldy, dep habarlaidy "Ult aqparat".
Qazaqstan Premer-ligasynyń 17-týry aiasynda Almatynyń ortalyq stadionynda «Qairat» Shymkenttiń «Ordabasy» klýbyn qabyldady. Kezdesý esebin braziliialyq shabýylshy Vagner Lav ashty. Munan soń «Ordabasy» fýtbolshylary aiyp alańynda Vagner Lavty shalyp shyǵyp, tóreshi penalti belgiledi. Nuráli Álip qatelesken joq.
Ekinshi taimda chempionattyń úzdik shabýylshysy Joao Paýlo gol soǵyp, esep aiyrmasyn qysqartqan. Alaida «Qairat» qarqynyn toqtatpady. Oiyn sońyna taman almatylyqtar úshinshi golyn soqty.
Osylaisha match 3:1 esebimen «Qairattyń» paidasyna sheshildi. Chempionatta 44 upaidy qanjyǵasyna bailaǵan almatylyq komanda merziminen buryn Qazaqstan chempiony atandy.
Sońǵy ret almatylyqtar 2004 jyly eldiń úzdik komandasy atanǵan edi.
