الماتىنىڭ «قايرات» فۋتبول كلۋب قازاقستان چەمپيوناتىنىڭ «التىن» جٷلدەسٸن جەڭٸپ الدى, دەپ حابارلايدى "ۇلت اقپارات".
قازاقستان پرەمەر-ليگاسىنىڭ 17-تۋرى اياسىندا الماتىنىڭ ورتالىق ستاديونىندا «قايرات» شىمكەنتتٸڭ «ورداباسى» كلۋبىن قابىلدادى. كەزدەسۋ ەسەبٸن برازيلييالىق شابۋىلشى ۆاگنەر لاۆ اشتى. مۇنان سوڭ «ورداباسى» فۋتبولشىلارى ايىپ الاڭىندا ۆاگنەر لاۆتى شالىپ شىعىپ, تٶرەشٸ پەنالتي بەلگٸلەدٸ. نۇرەلٸ ەلٸپ قاتەلەسكەن جوق.
ەكٸنشٸ تايمدا چەمپيوناتتىڭ ٷزدٸك شابۋىلشىسى جواو پاۋلو گول سوعىپ, ەسەپ ايىرماسىن قىسقارتقان. الايدا «قايرات» قارقىنىن توقتاتپادى. ويىن سوڭىنا تامان الماتىلىقتار ٷشٸنشٸ گولىن سوقتى.
وسىلايشا ماتچ 3:1 ەسەبٸمەن «قايراتتىڭ» پايداسىنا شەشٸلدٸ. چەمپيوناتتا 44 ۇپايدى قانجىعاسىنا بايلاعان الماتىلىق كوماندا مەرزٸمٸنەن بۇرىن قازاقستان چەمپيونى اتاندى.
سوڭعى رەت الماتىلىقتار 2004 جىلى ەلدٸڭ ٷزدٸك كومانداسى اتانعان ەدٸ.
