Belgili bapker Grigorii Babaian «Tobyldan» Máskeýdiń TsSKA klýbyna aýysty, dep habarlaidy "Ult aqparat".
TsSKA klýbynyń baspasóz qyzmeti málim etkendei, Babaian komandanyń bapkerler quramyna resmi túrde qosyldy.
«Budan buryn Grigorii Konstantinovich «Tobyl» fýtbol klýbyna basshylyq etip kelgen bolatyn. Endi bas bapkerdiń mindetin atqarýshy bolyp taǵaiyndalǵan Aleksei Berezýtskiige kómektesetin bolady», dep jazdy klýbtyń baspasóz qyzmeti.
TsSKA klýbynda Qazaqstan ulttyq quramasynyń jartylai qorǵaýshysy Baktier Zainýtdinovtiń óner kórsetetini belgili.
Babaian osyǵan deiin qostanailyq «Tobyl» klýbynyń bas bapkeri mindetin atqaryp kelgen edi.
Qazirgi kezde Qazaqstan chempionatynda «Astana» 35 upaimen kósh bastasa, «Tobyldyń» odan úsh-aq upaiy kem.
