Frantsiianyń PSJ komandasy fýtboldan óz eliniń birinshi ligasynyń chempiony retinde tanyldy, dep habarlaidy "Ult aqparat" liganyń saityna silteme jasap.
Bul eldegi dop dodasyndaǵy 28-týr oiyndary 8 naýryz kúni ótti. Birinshilikti tolyq aiaqtaý úshin klýbtar taǵy on oiyn ótkizýi tiis bolatyn. Koronavirýs pandemiiasyna bailanysty liga basshylyǵy oiyndardy keiinge shegerýge sheshim qabyldady. Degenmen, mamandardyń ortaq uiǵarymymen 2019/2020 jylǵy kezeńdi erte aiaqtaý týraly naqty sheshim shyqty.
Nátijesinde PSJ chempion ataǵyna qol jetkizse, «Olimpik» (Marsel) jáne «Renn» komandalary úzdik úshtikten kórindi. Bul komandalar UEFA Chempiondar ligasynda baq synaidy. Al odan keiingi oryndardaǵy «Lill», «Reims» jáne «Nitstsa» UEFA Eýropa ligasynda el namysyn qorǵaidy.
Sońǵy eki oryndaǵy «Amen» jáne «Týlýza» endi ekinshi ligaǵa túsip qalsa, olardyń ornyn ekinshi ligada alǵashqy eki orynǵa ie bolǵan «Lorian» jáne «Lans» basty.
Budan buryn fýtboldan Niderlandy birinshiligi de erte aiaqtaldy. Bul elde eshqandai komanda jeńimpaz ataǵyna ie bolǵan joq. Eýrokýbokqa qatysatyn klýbtar týrnir kestesindegi ornalasý jaǵdaiyna bailanysty anyqtaldy.
Esterińizge sala ketelik, fýtboldan Qazaqstan birinshiligi eki týrdan keiin koronavirýs pandemiiasyna bailanysty keiinge shegerilgen bolatyn. Qazaqstan fýtbol federatsiiasy birinshilik maýsym aiynda qaita jalǵasýy múmkin ekenin habarlady.
