فرانتسييانىڭ پسج كومانداسى فۋتبولدان ٶز ەلٸنٸڭ بٸرٸنشٸ ليگاسىنىڭ چەمپيونى رەتٸندە تانىلدى, دەپ حابارلايدى "ۇلت اقپارات" ليگانىڭ سايتىنا سٸلتەمە جاساپ.
بۇل ەلدەگٸ دوپ دوداسىنداعى 28-تۋر ويىندارى 8 ناۋرىز كٷنٸ ٶتتٸ. بٸرٸنشٸلٸكتٸ تولىق اياقتاۋ ٷشٸن كلۋبتار تاعى ون ويىن ٶتكٸزۋٸ تيٸس بولاتىن. كوروناۆيرۋس پاندەميياسىنا بايلانىستى ليگا باسشىلىعى ويىنداردى كەيٸنگە شەگەرۋگە شەشٸم قابىلدادى. دەگەنمەن, مامانداردىڭ ورتاق ۇيعارىمىمەن 2019/2020 جىلعى كەزەڭدٸ ەرتە اياقتاۋ تۋرالى ناقتى شەشٸم شىقتى.
نەتيجەسٸندە پسج چەمپيون اتاعىنا قول جەتكٸزسە, «وليمپيك» (مارسەل) جەنە «رەنن» كوماندالارى ٷزدٸك ٷشتٸكتەن كٶرٸندٸ. بۇل كوماندالار UEFA چەمپيوندار ليگاسىندا باق سىنايدى. ال ودان كەيٸنگٸ ورىندارداعى «ليلل», «رەيمس» جەنە «نيتستسا» UEFA ەۋروپا ليگاسىندا ەل نامىسىن قورعايدى.
سوڭعى ەكٸ ورىنداعى «امەن» جەنە «تۋلۋزا» ەندٸ ەكٸنشٸ ليگاعا تٷسٸپ قالسا, ولاردىڭ ورنىن ەكٸنشٸ ليگادا العاشقى ەكٸ ورىنعا يە بولعان «لوريان» جەنە «لانس» باستى.
بۇدان بۇرىن فۋتبولدان نيدەرلاندى بٸرٸنشٸلٸگٸ دە ەرتە اياقتالدى. بۇل ەلدە ەشقانداي كوماندا جەڭٸمپاز اتاعىنا يە بولعان جوق. ەۋروكۋبوكقا قاتىساتىن كلۋبتار تۋرنير كەستەسٸندەگٸ ورنالاسۋ جاعدايىنا بايلانىستى انىقتالدى.
ەستەرٸڭٸزگە سالا كەتەلٸك, فۋتبولدان قازاقستان بٸرٸنشٸلٸگٸ ەكٸ تۋردان كەيٸن كوروناۆيرۋس پاندەميياسىنا بايلانىستى كەيٸنگە شەگەرٸلگەن بولاتىن. قازاقستان فۋتبول فەدەراتسيياسى بٸرٸنشٸلٸك ماۋسىم ايىندا قايتا جالعاسۋى مٷمكٸن ەكەنٸن حابارلادى.
