Elordalyq «Astana» fýtboldan Premer-liga komandalary arasyndaǵy el birinshiliginde úzdik úshtikten kóriný múmkindigin tolyq saqtap qaldy, dep habarlaidy "Ult aqparat".
Búgin elimizde ótip jatqan 20-týr aiasynda «Astana» Taldyqorǵannyń «Jetisý» komandasymen kezdesti. Oiyn barysynda 4-minýtta taldyqorǵandyq Andrei Zaleskii esep ashty. Elordalyq klýb sapynan Marin Tomasov – 61, Pieros Sotiriý 82-minýttarda qos golmen jaýap qaiyrdy.
Osylaisha, «Astana» qarsylasyn 2:1 esebimen jeńip, úzdik úshtikte bolý múmkindigin tolyq saqtap qaldy.
Qazir týrnir kestesinde «Tobyl» jáne «Astana» komandalary ekinshi oryn úshin talasyp otyr. Birinshilik aiaqtalǵanda olardyń biri – ekinshi, kelesisi úshinshi oryn alady. Óitkeni, odan keiingi oryndaǵy komandalar úshtikten kóriný yqtimaldyǵynan aiyrylyp qaldy.
Dál qazir atalǵan týrda birinshi kezeńnen keiin Qaraǵandynyń «Shahteri» Aqtaýdyń «Kaspiiin» 3:0 esebimen jeńip jatsa, Qyzylordanyń «Qaisary» men Petropavldyń «Qyzyljary» 1:1 esebimen teń túsip jatyr.
Búgin atalǵan týrda Qostanaidyń «Tobyly» men Jambyl oblysynyń «Taraz» komandalary arasyndaǵy kezdesý elorda ýaqytymen 18.00-de bastalady.
