El chempiony «Astana» óz alańyndaǵy alǵashqy oiyndaryn Almatyda ótkizedi, dep habarlaidy "Ult aqparat".
«Astana» fýtbol klýby málim etkenindei, bul «Astana Arena» stadionynda jóndeý jumystarynyń júrgizilýine bailanysty bolyp otyr.
Osyǵan orai Mihal Bilektiń shákirtteri maýsym basynda qonaqtardy Almatydaǵy «Jas Qyran» stadionynda qabyldaidy.
Atalmysh stadiondaǵy jasandy alań 2018 jyly FIFA-nyń sertifikattaýynan ótken. Oǵan 1500 adam syiady.
«Jas Qyrandaǵy» birinshi match 7 naýryz kúni bolady. Bul kúni «Astana» Petropavldyń «Qyzyljarymen» jasyl alańǵa shyǵady.
7 naýryzda, sondai-aq, «Ordabasy» - «Oqjetpes», «Qairat» - «Taraz», «Tobyl» - «Shahter», «Kaspii» - «Jetisý», «Qaisar» - «Ertis» oiyndary ótedi.
Eske sala keteiik, budan buryn fýtboldan Qazaqstan chempionatynyń ataýy ózgergenin jazǵan bolatynbyz.
