ەل چەمپيونى «استانا» ٶز الاڭىنداعى العاشقى ويىندارىن الماتىدا ٶتكٸزەدٸ, دەپ حابارلايدى "ۇلت اقپارات".
«استانا» فۋتبول كلۋبى مەلٸم ەتكەنٸندەي, بۇل «استانا ارەنا» ستاديونىندا جٶندەۋ جۇمىستارىنىڭ جٷرگٸزٸلۋٸنە بايلانىستى بولىپ وتىر.
وسىعان وراي ميحال بيلەكتٸڭ شەكٸرتتەرٸ ماۋسىم باسىندا قوناقتاردى الماتىداعى «جاس قىران» ستاديونىندا قابىلدايدى.
اتالمىش ستاديونداعى جاساندى الاڭ 2018 جىلى فيفا-نىڭ سەرتيفيكاتتاۋىنان ٶتكەن. وعان 1500 ادام سىيادى.
«جاس قىرانداعى» بٸرٸنشٸ ماتچ 7 ناۋرىز كٷنٸ بولادى. بۇل كٷنٸ «استانا» پەتروپاۆلدىڭ «قىزىلجارىمەن» جاسىل الاڭعا شىعادى.
7 ناۋرىزدا, سونداي-اق, «ورداباسى» - «وقجەتپەس», «قايرات» - «تاراز», «توبىل» - «شاحتەر», «كاسپيي» - «جەتٸسۋ», «قايسار» - «ەرتٸس» ويىندارى ٶتەدٸ.
ەسكە سالا كەتەيٸك, بۇدان بۇرىن فۋتبولدان قازاقستان چەمپيوناتىنىڭ اتاۋى ٶزگەرگەنٸن جازعان بولاتىنبىز.
