Búgin, 14 cáýirde fýtboldan Premer-liga komandalary arasyndaǵy el birinshiliginiń besinshi týrynda taǵy eki oiynnyń nátijesi belgili boldy, dep habarlaidy "Ult aqparat".
Búgingi oiyndar Shymkentte «Ordabasy» men elordalyq «Astana» komandalary arasynda bastaldy. Atalǵan kezdesýde elordalyq fýtbolshylar jinaqy qimyl kórsetti. Nátijesinde alań ieleri qarsylastarynyń qaqpasyna tórt gol soqty. Ony «Astana» sapynan Abat Aiymbetov 19, 60, Tigran Barsegian 53, Marin Tomasov 78-minýttarda óziniń enshisine jazdy. Oǵan shymkenttik fýtbolshy Erkebulan Tuńǵyshbaev 22-minýtta bir golmen jaýap qaiyrdy. Osylaisha «Ordabasy» qarsylasyna 1:4 esebimen ese jiberdi.
Taǵy bir kezdesý Aqtaýda jergilikti «Kaspii» men Almatynyń «Qairat» komandalary arasynda boldy. Oiyn barysynda alań ieleri qatarynan Rýslan Mingazov 32-minýtta esep ashqan bolatyn. Almatylyq klýb sapynan Denis Poliakov 43-minýtta oǵan bir golmen jaýap berdi. Aita keterligi, 36-minýtta «Qairat» oiynshysy Aibol Ábiken qyzyl qaǵaz alyp, alańnan qýyldy.
Ázirge kósh basynda «Astana» men «Qairat» qatarlas tur. Ekeýiniń enshisinde 11 upaidan bar. Úzdik úshtikti toǵyz upaimen «Aqtóbe» túiindedi.
Dál qazir Qostanaida «Tobyl» men Qyzylordanyń «Qaisar» komandalary arasyndaǵy kezdesýdiń birinshi kezeńi aiaqtaldy. Esep 1:0. Alań ieleri sapynan 2-minýtta Toni Silva mergendik tanytty.
Sondai-aq, búgin 18.00-de «Atyraý» men «Jetisý» (Taldyqorǵan) oinasa, atalǵan týrdy 20.00-de «Turan» (Túrkistan) men «Taraz» klýbtary túiindeidi.
Atalǵan týrda keshe, búgin 18.00-de «Atyraý» men «Jetisý» (Taldyqorǵan) oinasa, 20.00-de «Turan» (Túrkistan) men «Taraz» klýbtary alańǵa shyǵady.
