«Astana» biylǵy maýsymdaǵy sońǵy oiynyn ótkizý úshin Belgradqa sapar shekti, dep habarlaidy "Ult aqparat".
«Astana» fýtbol klýbynan málim etkenindei, elordalyqtar Serbiia astanasynda aldymen qysqa merzimdi oqý-jattyǵý jiynyn ótkizedi.
Ýkrainalyq maman Roman Grigorchýktyń shákirtteri myna quramda attandy: qaqpashylar - Nenad Erich, Aleksandr Mokin, Stanislav Pavlov, Vladislav Saenko; qorǵaýshylar - Dmitrii Shomko, Antonio Rýkavina, Abzal Beisebekov, Evgenii Postnikov, Iýrii Logvinenko, Saǵi Sovet; jartylai qorǵaýshylar – Didar Jalmuqan, Ivan Maevskii, Iýrii Pertsýh, Serikjan Mýjikov, Dorin Rotariý, Rýnar Sigýronsson, Jasulan Qaiyrkenov, Mádi Jaqypbaev; shabýylshylar - Rangelo Ianga, Roman Mýrtazaev, Sergei Hijnichenko, Vladislav Prokopenko.
Al bul sapardan tys qalǵan Marin Tomasov, Lýka Shimýnovich, Jarko Tomashevich jáne Firmin Mýbele qalpyna kelýi úshin jeke baǵdarlama boiynsha jattyǵýda.
«Partizan» - «Astana» matchy jeltoqsannyń 12-sinen 13-ine qaraǵan túni Nur-Sultan ýaqytymen 02.00-de bastalady. Ony tikelei efirde Qazsport arnasy kórsetedi.
Eske sala keteiik, budan buryn «Astana» «Manchester Iýnaitedti» utyp, alǵashqy úsh upaiǵa ie bolǵan edi.
L tobynda «Manchester Iýnaited» 10 jáne gollandiialyq «AZ Alkmaar» klýby 9 upai jinap, plei-off básekesine joldama alý máselesin sheship qoisa, úshinshi oryndaǵy «Partizanda» 5 upai bar.
