Elordalyq «Astana» Portýgaliiada ótip jatqan halyqaralyq «Atlantic Cup» týrnirinde Shvetsiianyń «Hekken» komandasymen kezdesti, dep habarlaidy "Ult aqparat" klýbtyń baspasóz qyzmetine silteme jasap.
Esterińizge sala ketelik, «Astana» A tobynda oinady. Alǵashqy týrda elordalyq klýb Daniianyń «Kopengagen» komandasynan 0:1 esebimen jeńilgen elordalyq hokkeishiler kelesi kezdesýde sol eldiń «Brondbiý» klýbynan 2:1 esebimen basym tústi.
«Hekken» komandasy 1940 jyly 2 tamyzda qurylǵan. Búgingi kúnge deiin Shvetsiiada 2012 jyly kúmis júldeger atansa, 2016, 2019 jyldary kýbokqa qol jetkizdi.
Elordalyq klýbtyń bas bapkeri Mihala Bilek alǵashqy minýttan Erich, Rýkavina, Postnikov, Malyi, Beisebekov, Maevskii, Ebong, Pertsýh, Rotariý, Barsegian, Shetkin syndy shákirtterine senim bildirdi.
Búgingi kezdesýde «Hekken» sapynan Leo Bengtsson 39-minýtta esep ashsa, 66-minýtta Iasse Týominen esepti ulǵaita tústi. Oǵan «Astana» jartylai qorǵaýshysy Marin Tomasov 78-minýtta jalǵyz golmen jaýap qaiyrdy. Oiynda elordalyq klýb qarsylasynan 1:2 esebimen jeńilip qaldy.
Biyl týrnirde Daniianyń «Orhýs» komandasy chempion atandy. Ol búgin finalda sol eldiń «Kopengagen» klýbynan 1:0 esebimen basym tústi.
Aita keterligi, halyqaralyq týrnir 2011 jyldan beri ótkizilip keledi. Búginge deiin toǵyz komanda jeńimpaz atanyp úlgerdi. Olardyń qatarynda Daniianyń «Midtiýllann», «Kopengagen», «Orhýs», Reseidiń «Zenit», «Dinamo» (Máskeý), Aýstriianyń «Rapid Vien», «Red Býll Zaltsbýrg», Shvetsiianyń «Elfsborg», Horvatiianyń «Rieka» komandalary bar.
