ەلوردالىق «استانا» پورتۋگالييادا ٶتٸپ جاتقان حالىقارالىق «Atlantic Cup» تۋرنيرٸندە شۆەتسييانىڭ «حەككەن» كومانداسىمەن كەزدەستٸ, دەپ حابارلايدى "ۇلت اقپارات" كلۋبتىڭ باسپاسٶز قىزمەتٸنە سٸلتەمە جاساپ.
ەستەرٸڭٸزگە سالا كەتەلٸك, «استانا» ا توبىندا وينادى. العاشقى تۋردا ەلوردالىق كلۋب دانييانىڭ «كوپەنگاگەن» كومانداسىنان 0:1 ەسەبٸمەن جەڭٸلگەن ەلوردالىق حوككەيشٸلەر كەلەسٸ كەزدەسۋدە سول ەلدٸڭ «بروندبيۋ» كلۋبىنان 2:1 ەسەبٸمەن باسىم تٷستٸ.
«حەككەن» كومانداسى 1940 جىلى 2 تامىزدا قۇرىلعان. بٷگٸنگٸ كٷنگە دەيٸن شۆەتسييادا 2012 جىلى كٷمٸس جٷلدەگەر اتانسا, 2016, 2019 جىلدارى كۋبوكقا قول جەتكٸزدٸ.
ەلوردالىق كلۋبتىڭ باس باپكەرٸ ميحالا بيلەك العاشقى مينۋتتان ەريچ, رۋكاۆينا, پوستنيكوۆ, مالىي, بەيسەبەكوۆ, ماەۆسكيي, ەبونگ, پەرتسۋح, روتاريۋ, بارسەگيان, ششەتكين سىندى شەكٸرتتەرٸنە سەنٸم بٸلدٸردٸ.
بٷگٸنگٸ كەزدەسۋدە «حەككەن» ساپىنان لەو بەنگتسسون 39-مينۋتتا ەسەپ اشسا, 66-مينۋتتا ياسسە تۋومينەن ەسەپتٸ ۇلعايتا تٷستٸ. وعان «استانا» جارتىلاي قورعاۋشىسى مارين توماسوۆ 78-مينۋتتا جالعىز گولمەن جاۋاپ قايىردى. ويىندا ەلوردالىق كلۋب قارسىلاسىنان 1:2 ەسەبٸمەن جەڭٸلٸپ قالدى.
بيىل تۋرنيردە دانييانىڭ «ورحۋس» كومانداسى چەمپيون اتاندى. ول بٷگٸن فينالدا سول ەلدٸڭ «كوپەنگاگەن» كلۋبىنان 1:0 ەسەبٸمەن باسىم تٷستٸ.
ايتا كەتەرلٸگٸ, حالىقارالىق تۋرنير 2011 جىلدان بەرٸ ٶتكٸزٸلٸپ كەلەدٸ. بٷگٸنگە دەيٸن توعىز كوماندا جەڭٸمپاز اتانىپ ٷلگەردٸ. ولاردىڭ قاتارىندا دانييانىڭ «ميدتيۋللانن», «كوپەنگاگەن», «ورحۋس», رەسەيدٸڭ «زەنيت», «دينامو» (مەسكەۋ), اۋسترييانىڭ «راپيد ۆيەن», «رەد بۋلل زالتسبۋرگ», شۆەتسييانىڭ «ەلفسبورگ», حورۆاتييانىڭ «ريەكا» كوماندالارى بار.
