Birinshi ligada oinaityn Oraldyń «Aqjaiyǵy» birinshilikti jeńispen bastady, dep habarlaidy "Ult aqparat".
Biyl koronavirýs indetine bailanysty keiinge shegerilgen birinshi liga eki konferentsiiaǵa bólinip, 15 qyrkúiekte ǵana bastaldy.
Ekinshi konferentsiiaǵa túsken oraldyqtar Talǵarda alǵashqy oiynyn SDIýSShOR №8 klýbymen ótkizdi.
Ótken jyly ekinshi liga jeńimpazy atanǵan elordalyq komanda ońai shaǵylatyn jańǵaq emestigin kórsetti. Tek 77-minýtta qorǵaýshy Ashat Ermekuly óz qaqpasyna gol soǵyp aldy. Esep – 1:0, «Aqjaiyqtyń» paidasynda.
Oraldyq bapker Artýr Avakiants jattyqtyratyn batysqazaqstandyqtar kelesi básekesin 21 qyrkúiekte «Jetisý-2» (Taldyqorǵan) komandasymen ótkizedi.
Ekinshi konferentsiiada sondai-aq «Atyraý», «Qairat-Jastar», «Akademiia Ońtústik», «Shahter-Bolat» oiynshylary baq synaidy.
«Aqjaiyq» fýtbol klýbynyń direktory Azamat Shaihynyń aitýynsha, biyl da oraldyqtar premer-ligaǵa oralý úshin baryn salady. Basty qarsylas – legionerlermen, ózge de beldi fýtbolshylarmen jasaqtalǵan «Atyraý» komandasy.
«Aqjaiyq» biyl negizinen jergilikti oiynshylarǵa úmit artyp otyr. Bárin de aldaǵy matchtar kórsetedi», dedi QazAqparat tilshisine A.Shaihy.
