Fýkýsima atom elektr stantsiiasynyń zaqymdalǵan bóligi ornalasqan Fýtaba qalasynda beisenbide keibir turǵyndarǵa on jyldan astam ýaqyt ishinde alǵash ret úilerinde túneýge ruqsat berildi. Bul týraly QazAqparat Kyodo agenttigine silteme jasap habarlaidy.
2011 jylǵy 11 naýryzdaǵy jer silkinisi saldarynan «Fýkýsima daiiti» atom elektr stantsiiasynda bolǵan, 1986 jylǵy Chernobyl daǵdarysynan keiingi álemdegi eń aýyr iadrolyq apat Fýtaba qalasynyń barlyq turǵyndaryn evakýatsiialaýǵa májbúr etken edi.
Endi qabyldanǵan baǵdarlama boiynsha qala tirshiligi qaita qaita jandana bastady.
Azamattardy turǵylyqty oryndaryna qaitarýǵa daiyndyq aiasynda 780 gektarǵa jýyq aýmaqta zalalsyzdandyrý jáne infraqurylymdyq qurylys jumystary júrgizilýde. Bul Fýtabanyń jalpy aýmaǵynyń 15 paiyzyn quraidy.
