Sem Benkman-Frid (Foto: Tom Williams / CQ-Roll Call, Inc via Getty Images)
Bankrotqa ushyraǵan FTX kriptovaliýta birjasynyń negizin qalaýshy Sem Benkman-Frid Niý-Iork sotynda ózine taǵylǵan aiypty moiyndamady, dep habarlaidy QazAqparat Euronews agenttigine silteme jasap.
Ol birja klientteriniń depozitindegi milliondaǵan dollardy óziniń Alameda Research hedj-fondyna, jyljymaityn múlik jáne basqa da investitsiia satyp alýǵa zańsyz jumsady dep aiyptalǵan.
Benkman-Frid jeltoqsanda Bagam araldarynda ustaldy da Niý-Iorkqa ekstradatsiialanyp, sonda sot aldynda jaýap berdi.
Oǵan alaiaqtyq pen aqsha jymqyrýǵa qatysty birneshe aiyp taǵylǵan. Bul is Amerika tarihyndaǵy eń iri qarjy qylmystarynyń biri dep baǵalanyp otyr.
Sot buǵan deiin Berni Medoff (qarjy piramidasyn uiymdastyrýshy) tólegen 10 mln dollarlyq eń úlken kepilden 25 esege kóp kepildi tóleýge kelisti.
Tórt adam – ata-anasy men týysyn qosqanda, oǵan kepil boldy.
Ony aiypty dep tapsa, 100 jyldan asa ýaqytqa túrmege qamalýy múmkin.
Federaldy prokýrorlar men tergeýshiler ony kriptosaýda platformasyn óziniń jeke ómirin qarjylandyrýǵa paidalandy dep málimdedi.
Ol investorlardy olardyń aktivterin jeke kompaniiasyna paidalaný úshin tartyp, milliardtarymen bólisýge kóndirgen.
Onyń alaiaqtyq shemasy qarasha aiynda, FTX bankrot dep jariialaýǵa ótinish jibergende ashyldy.
