Qytai tamyzda giberdybys zymyranyn synaqtan ótkizdi. Zymyran iadrolyq bombany tasýǵa arnalǵan. Financial Times basylymynyń derekkózderi synaq amerikalyq barlaý qyzmetin "sastyrdy" dep otyr.
Qupiia synaq kezinde zymyran nysanaǵa jete almaǵan, biraq synaqtyń ózi "giberdybys qarýyn ázirleýdi tańdanarlyq progresti" kórsetti dep jazdy gazet.
"Olardyń muny qalai istegenin bilmei otyrmyz" deidi FT derekkózi. Olardyń sózinshe, zymyran ońtústik poliýs arqyly usha alady. Bul – soltústik poliýske shoǵyrlanǵan AQSh áýe qorǵanysy úshin úlken másele.
Pentagon synaq týraly pikir bildirmedi, biraq Qytaidyń belsendiligine alańdaýshylyq bildirdi. AQSh qorǵanys ministrliginiń ókili Djon Kirbi Qytaidyń áskeri áleýeti "aimaq pen odan tys aýmaqtarda teketirestiń kúsheiýine septigin tigizip otyr" dedi.
Qytaidyń AQSh-taǵy elshiliginiń ókili Liý Peniýi Qytaidyń áskeri saiasatty qorǵanys maqsatyn ǵana kózdeidi deidi. Onyń sózinshe, Pekin "aldyna AQSh sekildi ǵalamdyq strategiialyq maqsat qoiyp otyrǵan joq, áskeri operatsiia jospary da joq". Ol AQSh-tyń Qytaidan tóner qaýip jóninde "ańyz shyǵaryp otyrǵanyn", osy arqyly giperdybys qarýyn ázirlegisi keletinin aitty.
