قىتاي تامىزدا گيبەردىبىس زىمىرانىن سىناقتان ٶتكٸزدٸ. زىمىران يادرولىق بومبانى تاسۋعا ارنالعان. Financial Times باسىلىمىنىڭ دەرەككٶزدەرٸ سىناق امەريكالىق بارلاۋ قىزمەتٸن "ساستىردى" دەپ وتىر.
قۇپييا سىناق كەزٸندە زىمىران نىساناعا جەتە الماعان, بٸراق سىناقتىڭ ٶزٸ "گيبەردىبىس قارۋىن ەزٸرلەۋدٸ تاڭدانارلىق پروگرەستٸ" كٶرسەتتٸ دەپ جازدى گازەت.
"ولاردىڭ مۇنى قالاي ٸستەگەنٸن بٸلمەي وتىرمىز" دەيدٸ FT دەرەككٶزٸ. ولاردىڭ سٶزٸنشە, زىمىران وڭتٷستٸك پوليۋس ارقىلى ۇشا الادى. بۇل – سولتٷستٸك پوليۋسكە شوعىرلانعان اقش ەۋە قورعانىسى ٷشٸن ٷلكەن مەسەلە.
پەنتاگون سىناق تۋرالى پٸكٸر بٸلدٸرمەدٸ, بٸراق قىتايدىڭ بەلسەندٸلٸگٸنە الاڭداۋشىلىق بٸلدٸردٸ. اقش قورعانىس مينيسترلٸگٸنٸڭ ٶكٸلٸ دجون كيربي قىتايدىڭ ەسكەري ەلەۋەتٸ "ايماق پەن ودان تىس اۋماقتاردا تەكەتٸرەستٸڭ كٷشەيۋٸنە سەپتٸگٸن تيگٸزٸپ وتىر" دەدٸ.
قىتايدىڭ اقش-تاعى ەلشٸلٸگٸنٸڭ ٶكٸلٸ ليۋ پەنيۋي قىتايدىڭ ەسكەري ساياساتتى قورعانىس ماقساتىن عانا كٶزدەيدٸ دەيدٸ. ونىڭ سٶزٸنشە, پەكين "الدىنا اقش سەكٸلدٸ عالامدىق ستراتەگييالىق ماقسات قويىپ وتىرعان جوق, ەسكەري وپەراتسييا جوسپارى دا جوق". ول اقش-تىڭ قىتايدان تٶنەر قاۋٸپ جٶنٸندە "اڭىز شىعارىپ وتىرعانىن", وسى ارقىلى گيپەردىبىس قارۋىن ەزٸرلەگٸسٸ كەلەتٸنٸن ايتتى.
