Resei federaldyq qylmysty oryndaý qyzmetiniń (FSIN) direktory Aleksandr Kalashnikov Navalnyidyń densaýlyǵy ashtyqtan keiin túzele bastaǵanyn habarlady. Qazir saiasatkerdiń salmaǵy 82 kilogramm, durys tamaqtanyp júr. FSIN basshysynyń sózin TASS agenttigi keltirdi, dep jazady Azattyq.
"Erekshe aiyppul nemese ereje buzý bolǵan joq. Ony kemsitý, ómirin qiyndatý siiaqty maqsat ta joq. Jalpy rejimde jazasyn ótep jatyr. Densaýlyǵy sál túzele bastady, ashtyq jariialaǵan, qazir odan bas tartty. Bilýimshe, salmaǵy 82-ge jetken siiaqty. Bul - shyn kórsetkish. Durys tamaqtanyp jatyr, otbasymen aralasýǵa múmkindigi bar" dedi Kalashnikov.
- "Novichokpen" ýlandy delingen Aleksei Navalnyi birneshe ai Germaniiada emdelgen soń 17 qańtarda Máskeýge ushyp kelip, sonda ustalǵan. 1 naýryzda Eýroodaq Navalnyidy qýdalaýǵa qatysy bar reseilik sheneýnikterge sanktsiia salýdy maquldaǵan.
- 2 aqpanda Máskeý soty Navalnyidy 2014 jyly "Iv Roshe isi" boiynsha shyqqan shartty jaza erejelerin oryndamady dep saiasatkerdi túrmege jibergen. Eýropanyń Adam quqyǵy jónindegi soty istiń saiasilanǵanyn aitqan. Oppozitsioner túrmede shamamen 2,5 jyl bolady. Qazir ol Pokrov qalasyndaǵy N2 koloniiada qamaýda otyr.
- 24 naýryzda advokattary onyń densaýlyǵynyń kúrt nasharlaǵanyn aitty. 31 naýryzda Navalnyi ashtyq jariialady.
- 21 sáýirde Resei qalalarynda Navalnyidy qoldaǵan aktsiialar ótip, 2 myńǵa jýyq adam ustalǵan. Kóptegen narazylar ustaý kezinde jáne politsiia bólimshelerinde soqqyǵa jyǵylǵan.
- 23 sáýirde Navalnyi ashtyqty toqtatatynyn málimdedi. Ol ózine táýelsiz dárigerlerdi jiberýdi talap etken. Reseidiń túkpir- túkpirinde shamamen júz shaqty adam Navalnyidy qoldap, ashtyq jariialady. Kóptegen sheteldik saiasatkerler, mádeniet qairatkerleri, Gollivýd juldyzdary jáne taǵy basqa azamattar oppozitsionerge qoldaý bildirdi.
- 26 sáýirde Máskeý prokýratýrasy Aleksei Navalnyi qurǵan shtabtyń qyzmetin toqtatty. Oǵan shtabty "ekstremistik uiym" dep taný týraly túsken shaǵym túrtki bolǵan.
- 27 sáýirde Máskeý soty Jemqorlyqpen kúres qorynyń jumysyn shektedi.
