Foto: Freedom Holding Corp
Freedom Holding Corp. 2026 fiskaldyq jylǵy I toqsannyń qarjylyq nátijelerin jariialady, kompaniia úshin ol aǵymdaǵy jylǵy 30 maýsymda aiaqtaldy.
Negizgi kórsetkishter mynadai serpin kórsetti:
● Esepti kezeńdegi túsim 533,4 mln AQSh dollaryn qurady, onyń bir jyl burynǵy kórsetkishpen salystyrǵanda 78,4 mln AQSh dollaryna (17%) ósýi baǵaly qaǵazdarmen jasalǵan operatsiialar boiynsha taza paidanyń ulǵaiýy esebinen boldy. Oǵan qosa, túsimniń oń serpinine zeinetaqy annýiteti jáne jazataiym oqiǵalardan saqtandyrý boiynsha sharttar sanynyń ulǵaiýyna bailanysty qaita saqtandyrýdy shegergende tapqan saqtandyrý syilyqaqylary kóleminiń ósýi áser etti. Sondai-aq basqa enshiles kompaniialardaǵy taýarlar men kórsetiletin qyzmetterdiń ósýi oń áser etti.
● Freedom Holding Corp. kompaniiasynyń taza paidasy 30,4 mln AQSh dollaryn qurady. Holding aktsiiasynyń paidasy 0,51 AQSh dollaryn qurady*.
● Holdingtiń aktivteri 9,9 mlrd AQSh dollarynan 9,7 mlrd AQSh dollaryna azaidy (-2%). Mindettemeler 8,5 mlrd AQSh dollaryn (-3%) qurady.
2026 fiskaldyq jylǵy I toqsanda demeýshilikke jumsalǵan shyǵys 6.5 mln AQSh dollaryna ulǵaidy. Oǵan Toptyń enshiles kompaniialary arqyly júzege asyrylǵan birneshe jarna kirdi. Esepti kezeńde neǵurlym aitarlyqtai demeýshilik salym Qazaqstannyń QJ League jasóspirimder fýtbol ligasyna jumsaldy.
Esepti kezeńde klientter qory ári qarai ósti: brokerlik shottar 725 myń (+43 myń), saqtandyrý kompaniialarynyń klientteri 1,4 mln (+226 myń), kórsetiletin bank qyzmetterin paidalanýshylar 3,0 mln (+412 myń).
2025 jylǵy 26 maýsymda S&P Global Ratings halyqaralyq agenttigi Holdingtiń negizgi enshiles kompaniialary: «Fridom Finans» AQ, Freedom Finance Global PLC, Freedom Finance Europe Ltd jáne «Fridom Bank Qazaqstan» AQ-tyń reitingteri boiynsha boljamdy «turaqtydan» «pozitivti» boljamǵa qaita qarap, táýekeldi basqarý jáne komplaens júiesin nyǵaitý aiasynda uzaq merzimdi jáne qysqa merzimdi «V+/V» deńgeiindegi reitingterdi rastady. Ulttyq shkala boiynsha «Fridom Finans» AQ pen «Fridom Bank Qazaqstan» AQ-tyń reitingteri «kzBBB»-ten «kzBBB+»-ke deiin kóterildi. Freedom Holding Corp. kompaniiasynyń reitingi «V-» deńgeiinde rastaldy.
Sondai-aq, Freedom Holding Corp. kompaniiasy aktsiialarynyń 2025 jylǵy 27 maýsymda amerikalyq naryq jabylǵannan keiin kúshine engen jyl saiynǵy qaita teńgerimdeý sheńberinde Russell 3000 indeksine qosylýy mańyzdy oqiǵa boldy. Russell 3000 indeksi AQSh-tyń investitsiialanǵan aktsiialar naryǵynyń shamamen 98%-yn quraityn 3,019 eń iri amerikalyq kompaniialardyń serpinin qadaǵalaidy.
