Almaty qalasynyń Almaly aýdandyq qylmystyq ister jónindegi sotynda Freedom Finance kompaniiasyna qatysty is boiynsha sot otyrysy jalǵasýda. 15 shildede aiyptaý tarapynyń shaqyrýymen jábirlenýshilerdiń biri Gúlmira Isaeva kýálik berdi, dep habarlaidy ult.kz QazTAG-qa silteme jasap.
Onyń aitýynsha, 2025 jylǵy 3 sáýirde ózi, advokat Svetlana Oralbaeva jáne basqa da jábirlenýshiler KazTAG agenttiginiń redaktsiiasyna baryp, Freedom Finance-tiń atqarýshy direktory Vitalii Svetovoi men Ózbekstandaǵy Freedom Finance akademiiasynyń burynǵy basshysy Temirlan Bekovke qatysty qozǵalǵan qylmystyq ister jaiynda suhbat bergen.
Gúlmira Isaeva sotta óziniń egde jastaǵy ákesi Qurman Isaevtyń múddesin qorǵaitynyn aitty. Onyń sózinshe, ákesi Vitalii Svetovoidyń áreketinen qarjylai shyǵynǵa ushyraǵan. Sonymen qatar basqa da egde investorlar, onyń ishinde 85 jastaǵy azamat ta jinaǵan qarajatynan aiyrylǵanyn málimdedi.
Kýágerdiń aitýynsha, bastapqyda jábirlenýshiler Astanada Ekonomikalyq tergep-tekserý departamentinde Freedom Finance ókilderimen kezdesý ótkizýdi josparlaǵan. Alaida kezdesý ótpegen soń, olar buqaralyq aqparat quraldaryna júginýge sheshim qabyldaǵan.
Osylaisha jábirlenýshiler KazTAG redaktsiiasyna habarlasyp, suhbat berýge kelisken. Isaevanyń aitýynsha, bas redaktor Ámir Qasenov aldymen qylmystyq is materialdaryn, jeke kýálikter men advokattyń qujattaryn teksergen. Keiin suhbattyń videoǵa jazylatynyn eskertip, qatysýshylardyń árqaisysynan jeke-jeke mán-jaidy suraǵan.
Gúlmira Isaeva redaktsiiaǵa barý bastamasy tolyqtai jábirlenýshilerdiń ózderinen shyqqanyn aitty. Onyń sózinshe, memlekettik organdardan naqty nátije bolmaǵandyqtan, olar qoǵamnyń nazaryn aýdartýǵa tyrysqan.
Sondai-aq ol jábirlenýshilerdiń arnaiy uiymdastyrylyp, Freedom Finance-ke qarsy aqparattyq naýqan júrgizdi degen pikirmen kelispeitinin jetkizdi. Onyń aitýynsha, olar kez kelgen basqa buqaralyq aqparat quralyna da júginýge daiyn bolǵan.
Kýágerdiń sózinshe, árbir jábirlenýshi óz isine qatysty qujattardy jeke usynǵan jáne oqiǵa týraly óz atynan baiandaǵan. Ortaq stsenarii nemese rólder aldyn ala kelisilmegen.
Sot barysynda Gúlmira Isaeva Freedom Finance basshylyǵymen birneshe kezdesý ótkenin, alaida olardyń nátije bermegenin aitty. Ol kompaniia ókilderine egde jastaǵy investorlarǵa qatysty baqylaý men táýekelderdi basqarý júiesiniń jumysyna qatysty saýal qoidy.
Eske salaiyq, buǵan deiin osy is boiynsha KazTAG agenttiginiń bas redaktory Ámir Qasenovtiń úiqamaqtaǵy bultartpaý sharasy qamaýǵa alýmen aýystyrylǵan bolatyn. Keiin ol áleýmettik jelidegi málimdemesinen soń qurǵaq ashtyq jariialaǵanyn habarlaǵan.
