"Samuryq-Qazyna" kompaniiasy men frantsýzdyń Orano korporatsiiasy Qazaqstanda atom ónerkábin damytý máselesin talqylady, dep habarlaidy Sputnik Qazaqstan qordyń resmi saityna silteme jasap.
"Frantsýz tarapy Qazaqstanda taza energiia kózi retinde atom elektr stantsiiasyn salý josparyna úlken qyzyǵýshylyq tanytty", - delingen resmi habarlamada.
Kezdesý kezinde "Samuryq-Qazyna" AQ basqarma tóraǵasy Almasadam Sátqaliev bul bastamanyń pysyqtalyp jatqanyn, al sońǵy sheshim áli qabyldanbaǵanyn jetkizdi.
"Qalai bolǵanda da, biz energiia kózderin ártaraptandyrýǵa jáne teńgerimdi energetikalyq turaqtylyqty qurýǵa niettimiz. Maqsatymyz – iadrolyq qana emes, sonymen birge gaz jáne jańartylatyn qýat kózderin damytý", – dedi Sátqaliev.
Kelissózderdiń negizgi taqyryby elimizdiń ońtústiginde ýran óndiretin KATCO birlesken qazaq-frantsýz kásipornynyń jumysyna arnaldy. Orano basshylyǵy ónerkásip nysandaryn paidalaný úshin 12 MVt kún elektr stantsiiasyn salýdy usyndy. Taraptar kúkirt qyshqylyn óndirý jobasyn júzege asyrý bolashaǵyn, sondai-aq Oranonyń sheteldik jobalaryna birlesken investitsiia tartý múmkindikterin de talqylady.
Orano (burynǵy Areva) — frantsýz transulttyq korporatsiiasy, iadrolyq otyn óndirisi boiynsha álemdik úzdik kompaniia. "KATKO" BK" JShS – "Qazatomónerkásip" UAK" AQ ("Samuryq-Qazyna" AQ quramyna kiredi) men "ORANO Maining" AQ birlesken kásiporny. KATCO Túrkistan oblysyndaǵy Moiynqum ken ornynda ýran óndiredi. Ol álemdegi eń iri ýran óndirýshi kásiporyndardyń biri bolyp sanalady.
