Ekonomikalyq diplomatiiany ilgeriletý aiasynda Qazaqstannyń Frantsiiadaǵy Elshiligi frantsýz investorlaryna elimizdiń aimaqtarynyń prezentatsiialary toptamasyn ótkizý bastamasyn kóterdi, dep habarlaidy QR SIM baspasóz qyzmeti.
Beinekonferentsiia formatyndaǵy alǵashqy osyndai kezdesý Nur-Sultan qalasynyń ákimdigi men MEDEF qaýymdastyǵyna múshe – frantsýz kompaniialary arasynda ótti.
Onlain is-shara Qazaqstan-Frantsiia iskeri keńesiniń teń tóraǵalary Aidan Káribjanov pen Iv-Lýi Darrikarrerdiń, Qazaqstan Elshisi Jan Ǵalievtiń, Nur-Sultan qalasy ákiminiń orynbasary Malika Bekturovanyń, sondai-aq «Astana Invest» jáne «Astana Innovations» kompaniialary ókilderiniń qatysýymen ótti.
Óz baiandamasynda M. Bekturova qalalyq infraqurylymnyń jaǵdaiy men bolashaǵy, sondai-aq sheteldik investorlarmen jáne seriktestermen ózara árekettesý mehanizmderi týraly egjei-tegjeili aqparat berdi.
Frantsýz kompaniialarynyń ókilderi ózderin qyzyqtyrǵan birqatar suraqtar qoiyp, tolyqqandy jaýaptar ala aldy. Atap aitqanda, olardy infraqurylym men kólikti damytý, ekologiiany jaqsartý jáne qorshaǵan ortany qorǵaý, sondai-aq tsifrlandyrý jobalaryna qatysý múmkindikteri qyzyqtyrdy. Frantsýz seriktester usynylǵan aqparattyń joǵary sapasy men ózektiligin atap ótti. Kezdesýge qatysýshylar birlesken jobalar boiynsha júzbe-júz talqylaý ótkizý úshin sanitarlyq kedergilerdiń tezirek alynatynyna úmit bildirdi.
