Frantsiiada er adam áielin zorlap, úiin órtep jibergen soń, úsh politsiia qyzmetkerin óltirdi.
Taǵy bir jandarm jaraqat aldy, dep jazdy RIA Novosti.
Frantsiia ishki ister ministrliginiń basshysy Jerald Darmanen jandarmdardy atqan adamnyń óli tabylǵanyn habarlady.
"Qaskúnem óli tabyldy. Men oqiǵa ornyna bara jatyrmyn", - dep jazdy ministr Twitterde.
Oqiǵa týraly sársenbi, 23 jeltoqsanda tańerteń belgili boldy. Aldymen eki tártip saqshysy úidiń shatyryna jasyrynǵan áieldi qutqarmaq bolǵan, biraq úige jaqyndai bergende kúieýi olarǵa oq atqan.
Olardyń bireýi kóz jumdy, al jambastan jaraqat alǵan ekinshisin órt sóndirýshiler Amber aýrýhana ortalyǵyna jetkizdi.
Osydan keiin er adam jandarmdarǵa qaitadan oq jaýdyrdy, saldarynan taǵy eki adam qaza tapty.
