فرانتسييادا ەر ادام ەيەلٸن زورلاپ, ٷيٸن ٶرتەپ جٸبەرگەن سوڭ, ٷش پوليتسييا قىزمەتكەرٸن ٶلتٸردٸ.
تاعى بٸر جاندارم جاراقات الدى, دەپ جازدى ريا نوۆوستي.
فرانتسييا ٸشكٸ ٸستەر مينيسترلٸگٸنٸڭ باسشىسى جەرالد دارمانەن جاندارمداردى اتقان ادامنىڭ ٶلٸ تابىلعانىن حابارلادى.
"قاسكٷنەم ٶلٸ تابىلدى. مەن وقيعا ورنىنا بارا جاتىرمىن", - دەپ جازدى مينيستر Twitterدە.
وقيعا تۋرالى سەرسەنبٸ, 23 جەلتوقساندا تاڭەرتەڭ بەلگٸلٸ بولدى. الدىمەن ەكٸ تەرتٸپ ساقشىسى ٷيدٸڭ شاتىرىنا جاسىرىنعان ەيەلدٸ قۇتقارماق بولعان, بٸراق ٷيگە جاقىنداي بەرگەندە كٷيەۋٸ ولارعا وق اتقان.
ولاردىڭ بٸرەۋٸ كٶز جۇمدى, ال جامباستان جاراقات العان ەكٸنشٸسٸن ٶرت سٶندٸرۋشٸلەر امبەر اۋرۋحانا ورتالىعىنا جەتكٸزدٸ.
وسىدان كەيٸن ەر ادام جاندارمدارعا قايتادان وق جاۋدىردى, سالدارىنان تاعى ەكٸ ادام قازا تاپتى.
