Qazaqstannyń kino naryǵyna investitsiia salǵan sheteldik uiymdar 12 paiyz qosymsha qun salyǵynan bosatylady, dep habarlaidy QazAqparat.
Mádeniet jáne sport ministrligi Gollivýd rejisserleri men prodiýserlerin tartý úshin ribeit júiesin engizip otyr. Iaǵni, sheteldik investor Qazaqstan aýmaǵynda film túsirýge ketken shyǵynnyń 30 paiyzyn keiin memleket óteidi jáne qosymsha qun salyǵynan bosatylady.
«2019 jyly Gollivýdtyń belgili atqarýshy prodiýserlerine, Lionsgate, NBC Universal, Warner Horizon, The Discovery Channel, Global Film Solutions kompaniialarynyń ókilderine Qazaqstan boiynsha tanystyrý saiahaty uiymdastyryldy. Gollivýdtyń bizdiń elge degen qyzyǵýshylyǵyn eskere otyryp, onyń ishinde sheteldik kino túsýrýshiler úshin sýbsidiia tetigin - ribeit júiesin engizýdiń arqasynda, Qazaqstan úshin de, Gollivýd rejisserleri men prodiýserleri úshin de kóptegen jańa múmkindikter ashylýda. Ribeit – film shyǵarýmen bailanysty taýarlar, jumystar men qyzmetterge ketken shyǵynnyń 30%-yna deiin óteý, sondai-aq kino óndirýshini 12% qosymsha qun salyǵynan bosatý. Bul elimizdiń shetelde tanymaldyǵyn arttyrý jáne búkil álemnen elimizge investitsiialar tartý úshin eń tiimdi quraldardyń biri», - deidi vedomstvo basshysynyń orynbasary Nurǵisa Dáýeshov.
Ázirge osy jie negizinde eki iri týyndy boiynsha kelissózder júrip jatqan kórinedi.
«Qazirgi ýaqytta Ulttyq kinony qoldaý memlekettik ortalyǵy sheteldik kinokompaniialar tarapynan investitsiialar tartý boiynsha jumys júrgizýde jáne osy baǵytta naqty nátijelerge qol jetkizildi. Máselen, biylǵy jyly túsirilimderi Qazaqstanda ótetin eki iri biýdjettik kórkem serial shyǵarý josparlanyp otyr: «Infiniti» fantastikalyq serialy (Frantsiia) jáne «Shaman» mistikalyq dramasy (Resei)», - dep jazady vitse-ministr.
