Frantsiia prezidenti Emmanýel Makron sársenbide COVID-19 koronavirýsyna qarsy kúreste armiialyq operatsiianyń bastalyp, densaýlyq saqtaý júiesine qomaqty investitsiialar salynatyny týraly jariia etti. Bul týraly France 24 habarlady.
Virýstan eń kóp zardap shekken qalalardyń biri Miýlýzda ótken baspasóz konferentsiiasynda sóz sóilegen Makron daǵdarysty eńserý boiynsha jan jaqty sharalar qoldanylatynyn aitty.
«Turaqtylyq» atty jańa operatsiianyń aiasynda armiia materialdyq-tehnikalyq jáne meditsinalyq qamtamasyz etýde kómek kórsetedi.
Sondai-aq, Frantsiia Karib basseini, Ońtústik Amerika jáne Úndi muhityndaǵy teńizdiń arǵy jaǵyndaǵy aýmaǵynan patsientterdi tasymaldaý úshin tikushaqtar jumyldyrady.
Eske sala keteiik, 25 naýryzdaǵy jaǵdai boiynsha, Frantsiiada koronavirýs juqtyrǵan adamdar sany 25 233-ke jetip, 1331 adam kóz jumǵan.
