Frantsiiada dúken, bar jáne kinoteatrlarǵa kirý úshin vaktsina týraly anyqtama talap etilmek, dep habarlaidy "Ult aqparat" BBC-ge silteme jasap.
Frantsiia prezidenti Emmanýel Makron 21 shildeden bastap Frantsiiada dúken, bar jáne kinoteatrlarǵa kirý úshin vaktsinalaý týraly anyqtama nemese jaqynda ótken virýstyń joqtyǵyn dáleldeitin testileý nátijesin kórsetý kerek ekenin aitty
«Men sizderden ne surap turǵanymdy jáne sizderdiń oǵan daiyn ekenderińizdi de bilemin», - dedi Makron dúisenbi kúni telearnadan.
Budan buryn Frantsiianyń Densaýlyq saqtaý ministri Olive Veran 15 qyrkúiekke deiin barlyq meditsinalyq qyzmetkerlerdiń ekpe alýy kerek ekenin, áitpese, olardyń jalaqydan aiyrylatyny týraly eskertken edi.
Prezidenttiń málimdemesinen soń Doctolib saityna kirgen adamdar sanynyń kúrt kóbeigen. Bul sait vaktsina alýǵa aldyn ala kezekke turýǵa múmkindik beredi.
Frantsiiada «Delta» nusqasyn juqtyrý oqiǵalary kóbeiip, aýrýhanaǵa túsýshiler sany artýda.
Sarapshylar aldaǵy ailarda elde epidemiianyń ekinshi tolqyny bastalýy múmkin ekendigin eskertýde. Olardyń aitýynsha, virýstyń taralýyn qadaǵalap otyrý úshin eldegi turǵyndardyń kem degende 95% vaktsina alýy kerek.
Búgingi kúni Frantsiia halqynyń jartysynan astamy ǵana ekpe alǵan, vaktsinanyń eki komponentin alǵandardyń úlesi – 40% ǵana.
