Foto: Valerii Levitin, Kommersant
7 naýryzda Frantsiianyń Eks-an-Provans qalasynyń apelliatsiialyq soty qazaqstandyq oligarh Muhtar Ábliazovke sotqa kelmegeni úshin aiyppul salý týraly sheshim shyǵardy. Sot Ábliazovtyń saiasi qýǵynǵa ushyraý týraly ýájderin kelmegeni úshin syltaý retinde qabyldaýdan bas tartty. Bul týraly aqparat BTA bankiniń saitynda paida boldy, - dep habarlaidy Massaget.kz portaly.
Muhtar Ábliazov jaýap alý úshin 2021 jylǵy 15 jáne 16 maýsymynda Eks-an-Provans sotyna kelýi kerek edi. Kezdesý aldyndaǵy sońǵy sátte Ábliazov advokaty arqyly saiasi qýǵyn-súrginnen qorqyp, frantsýz sotynyń nusqaýyn oryndaýǵa nieti joq ekenin málimdedi.
"Keiin BTA banki Abliazovqa sotqa kelmeýine bailanysty aiyppul taǵaiyndaý týraly ótinish berdi. Apelliatsiialyq satyda sot Muhtar Ábliazovtyń 2018 jyly osyndai shaqyrý boiynsha kelgenin anyqtady. Sondai-aq, Ábliazov aldymen Angliiada, sodan keiin Frantsiiada bosqyn mártebesinen aiyryldy, sondyqtan ol sotqa kelmeý úshin bul mártebege silteme jasai almady. Buryn tergeý sýdiasy Ábliazovqa sot baqylaýy sharasyn taǵaiyndaǵan edi, oǵan sot talaby boiynsha kelý kiredi. Muhtar Ábliazov Eks-an-Provans qalasy sotynyń shaqyrýy boiynsha kelmei, bul sharany buzdy", - delingen habarlamada.
7 naýryzda Eks-an-Provans qalasynyń apelliatsiialyq soty Muhtar Ábliazov sottyń kelý týraly ótinishin oryndamady, soǵan bailanysty oǵan aiyppul salynady dep sheshti.
"BTA banki Frantsiia sotynyń ádil sheshimin quptaidy. Muhtar Ábliazov pen onyń sybailastary sot protsesterine adal qatysýdan birneshe ret bas tartyp, kóp sot sheshimin buzǵan, sonyń ishinde AQSh-ta olar jaýapqa tartylyp, olarǵa aiyppul salynǵan", - delingen habarlamada.
Eske salaiyq, Qazaqstanda Ábliazov BTA bankten 7 milliard dollarǵa jýyq aqsha jymqyrǵany úshin syrttai 20 jylǵa bas bostandyǵynan aiyryldy, al 2018 jyly bankir Erjan Tátishevti óltirýdi uiymdastyrǵany úshin ómir boiyna bas bostandyǵynan aiyrylǵan edi.
