Qazaqstan Syrtqy ister ministriniń orynbasary Roman Vasilenkonyń biylǵy jyldyń 30 qyrkúiek pen 1 qazanda Parijde ótken kelissózderiniń nátijeleri qos taraptyń qazaq-frantsýz strategiialyq seriktestigin odan ári nyǵaitýǵa degen ózara múddeliligin kórsetti.
QR Syrtqy ister ministrligi baspasóz qyzmetiniń málimetteri boiynsha, Frantsiianyń Eýropalyq jáne syrtqy ister ministrliginiń Memlekettik hatshysy, Ekonomikalyq yntymaqtastyq boiynsha qazaq-frantsýz úkimetaralyq komissiiasynyń Teń tóraǵasy Jan-Batist Lemýanmen kezdesýde taraptar ekijaqty formatta jáne kópjaqty alańdardaǵy ózara yqpaldastyq máselelerin keńinen talqylady.
Frantsiianyń burynǵy prezidenti Jak Shiraktyń qaitys bolýyna bailanysty resmi aza tutý rásimderine qatysqan R.Vasilenko Prezident Qasym-Jomart Toqaevtyń kóńil aitýyn jetkizip, kórnekti saiasatkerdiń halyqaralyq qatynastar tarihyndaǵy erekshe ornyn jáne onyń qazaq-frantsýz qatynastarynyń damýyna qosqan aitarlyqtai úlesin atap ótti.
Kelissózder barysynda barlyq mańyzdy baǵyttar boiynsha ekijaqty strategiialyq seriktestikti odan ári tereńdetý máselelerine asa den qoiyldy. Sonymen qatar, Frantsiia Prezidenti Emmaniýel Makronnyń aldaǵy ýaqytta Qazaqstanǵa josparlanǵan saparyna daiyndyq aiasynda yntymaqtastyqqa jańa serpin beretin basymdyqqa ie jobalardy iske asyrý barysy qarastyryldy.
R.Vasilenko qazaqstandyq taraptyń ózara is-qimyl spektrin keńeitýge, onyń ishinde tsifrlandyrý, aýyl sharýashylyǵy, balamaly energetika siiaqty jańa salalardy arttyrýǵa baǵyttalǵanyn rastady. Osy baǵyttaǵy jumystyń sońǵy ýaqyttaǵy pozitivti mysaldary retinde Frantsiianyń aimaqtarynda biyl Qazaqstan Elshiligi uiymdastyrǵan sharalar atalyp ótti. Olar: naýryz aiynda Kanndaǵy tsifrlandyrý jáne balamaly energetika boiynsha forým, qyrkúiektegi Renn qalasyndaǵy aýylsharýashylyq jáne agroónerkásip forýmy boldy, sondai-aq 8 qazanda Parijde Qazaqstan Respýblikasy Premer-Ministriniń orynbasary Roman Skliardyń qatysýymen ótetin investitsiialyq forýmy.
Is-sharalar frantsýz isker toptary arasynda úlken qyzyǵýshylyq týdyrdy jáne iskerlik bailanystar ornatýdyń tamasha alańyna ainaldy.
Taraptar kólik, energetika, iadrolyq jáne aeroǵaryshtyq salalardaǵy, sondai-aq eki eldiń óńirleri arasyndaǵy ortalyqtandyrylmaǵan yntymaqtastyqty nyǵaitýǵa niet bildirdi. Búgingi tańda Frantsiia Qazaqstannyń saýda jáne investitsiialyq negizgi seriktesteriniń bestigine kiredi. Sońǵy on jylda ózara taýar ainalymy 50 mlrd. dollardan asty. Sondai-aq, bizdiń elderimizdiń arasynda ýran, munai-gaz, titan ónerkásibi, kóliktik mashina jasaý, qurylys materialdary, tamaq ónimderi óndirisi salasynda birqatar iri birlesken investitsiialyq jobalar júzege asyrylyp, bul frantsýzdyq investitsiialardyń 15 mlrd. astam dollarlaryn tartýǵa múmkindik berdi.
Jalpy, Qazaqstanda frantsýz kapitaly bar 130-dan astam kompaniia jumys isteidi, olardyń ishinde «Total», «Orano», «Alstom», «Danon», «Vikat» jáne basqalary bar.
Bizdiń halyqtarymyzdyń jaqyndasýy gýmanitarlyq bailanystardyń keńeiýine, mádeniet, bilim jáne ǵylym salasyndaǵy yntymaqtastyqqa aitarlyqtai septigin tigizetini atalyp ótti.
«Rýhani Jańǵyrý» ulttyq baǵdarlamasynyń qoldaýymen «Frantsiiadaǵy Qazaqstan kúzi» mádeni maýsymy aiasynda osy kúnderi Frantsiianyń túrli qalalarynda bolyp ótken is-sharalar mańyzdy jobalardyń biri boldy. Abai atyndaǵy Qazaq memlekettik akademiialyq opera jáne balet teatrynyń balet trýppasynyń qoiylymy, Nur-Sultan qalasy simfoniialyq orkestriniń kontserti, qazaqstandyq kino aptalyǵy, kórkem jáne fotografiialyq kórmeler, frantsýz tiline aýdarylǵan zamanaýi qazaqstandyq poeziia men prozanyń antologiiasynyń tusaýkeseri, halyq mýzykasynyń kontsertteri jáne basqa da mańyzdy oqiǵalar boldy.
Nur-Sultan men Parij bilim salasyndaǵy yntymaqtastyqty keńeitýge úlken mán berip otyr. 1993 jyldan bastap Tuńǵysh Prezident - Elbasy Nursultan Nazarbaevtyń «Bolashaq» stipendiialyq baǵdarlamasy jumys isteidi. 2014 jyldyń jeltoqsan aiynan bastap bizdiń elimizde «Sorbonna-Qazaqstan» institýty óz jumysyn atqaryp keledi. Ótken jyldan bastap magistranttar men aspiranttardyń «Abai-Vern» qazaq-frantsýz stipendiiasynyń qurylýyna bailanysty elderimizdiń akademiialyq utqyrlyǵy artty.
Frantsiia úkimetiniń múshesi J.-B. Liomýan Parijdiń ózara tiimdi yntymaqtastyqty odan ári damytýǵa degen qyzyǵýshylyǵyn rastai otyryp, Qazaqstanmen barlyq baǵyttardaǵy yntymaqtastyqtyń deńgeii men serpinin joǵary baǵalady.
Kelissózder barysynda Ortalyq Aziia memleketteri arasyndaǵy qarym-qatynastardyń oń dinamikasyna jáne EO-nyń óńir boiynsha jańa strategiiasynyń júzege asyrylýyna úlken kóńil bólindi.
Birlesken jobalar boiynsha jumys R. Vasilenkonyń Frantsýz Respýblikasynyń Eýropalyq jáne syrtqy ister ministrliginiń kontinentaldy Eýropa departamentiniń direktory Frederik Mondolonimen jáne Ortalyq Aziiadaǵy ekonomikalyq diplomatiia boiynsha Frantsýz Respýblikasynyń EJSIM-niń arnaiy ókili Paskal Loromen ótken kezdesýler barysynda tolyǵyraq qarastyryldy.
Parlament Senatynyń Frantsiia-Ortalyq Aziia dostyq tobynyń tóraǵasy Natali Gýlemen jáne Parlamenttiń Ulttyq Assambleiasynyń Frantsiia-Qazaqstan dostyq tobynyń tóraǵasy Per Kabaremen kezdesýler barysynda taraptar ekijaqty saiasi dialog pen ortalyqtandyrylmaǵan yntymaqtastyqty ilgeriletý úshin parlamentaralyq qatynastardyń mańyzdylyǵy men tiimdiligin qýattady.
Sonymen birge, R.Vasilenko sapar barysynda Frantsiianyń birqatar buqaralyq aqparat quraldaryna suhbat berdi, onda qazirgi áleýmettik-ekonomikalyq reformalar men el basshylyǵynyń syrtqy saiasi bastamalary, Frantsiiaǵa jáne onyń isker toptarymen yntymaqtastyq úshin jańa múmkindikter ashatyn ekonomikalyq damýdyń basymdyqtary týraly aityldy.
