© AP Photo / Efrem Lukatsky
15-ke jýyq memleket Ýkrainanyń qaýipsizdik kepildigin qamtamasyz etýge qatysýǵa daiyn ekenin bildirdi, dep málimdedi Frantsiia qorǵanys ministri Sebastian Lekorniý. Bul týraly RIA Novosti habarlady.
"Biz erikti elderdiń bas shtab basshylary Ýkraina úshin qandai qaýipsizdik kepildikteri bolýy múmkin ekenin talqylaǵan birinshi otyrystyń qorytyndysyn shyǵardyq. Kólemi aýqymdy konsensýs paida bolýda… Bas shtab basshylary qysqa jáne orta merzimdi keleshekte saiasi kóshbasshylarǵa uzaq merzimdi beibitshilik nemese kem degende atysty toqtatýǵa arnalǵan qaýipsizdik arhitektýrasy qandai bolýy múmkin ekendigi týraly gipoteza ázirleýge kiristi. Qazirgi ýaqytta 15-ke jýyq el bul protsesti jalǵastyrýǵa qyzyǵýshylyq tanytyp otyr", - dedi Lekorniý Frantsiia, Germaniia, Polsha, Italiia jáne Ulybritaniia qorǵanys ministrleriniń Parijde ótken baspasóz máslihatynda.
Lekorniýdyń aitýynsha, "muny tek Ýkraina aýmaǵynda batys áskerleriniń bolýy týraly máselege ǵana tireý durys emes".
"Shuǵyl talqylanyp jatqan basqa da máseleler bar. Bul Qara teńizdegi qaýipsizdik máselesi, Ýkraina atom elektr stantsiialarynyń qaýipsizdigi jáne tereń talqylanatyn basqa da máseleler", - dedi ol.
Ol "qaýipsizdiktiń birinshi kepili" Ýkraina armiiasynyń bolyp qala beretinin, osyǵan bailanysty "Ýkrainaǵa kómek kórsetý jáne Reseidiń tyiym salynǵan aktivterin paidalaný máselesi" belsendi túrde talqylanyp jatqanyn aitty.
Bir kún buryn Frantsiia prezidenti Emmanýel Makron Eýroodaq bas shtabynyń, sondai-aq Túrkiia, Kanada jáne Ulybritaniianyń basshylarymen kezdesý ótkizdi. Áńgime Máskeý men Kiev arasynda bitimgershilik kelisimge qol jetkizilgennen keiin Ýkrainaǵa ásker engizý múmkindigi týraly boldy.
Resei prezidenti Vladimir Pýtin qańtarda Resei Qaýipsizdik keńesiniń turaqty múshelerimen kezdesýi kezinde Ýkrainadaǵy qaqtyǵysty retteýdiń maqsaty atysty qysqa merzimge toqtatý jáne keiinnen qaqtyǵysty jalǵastyrý maqsatynda kúshterdi qaita toptastyrý jáne qaita qarýlandyrý úshin tynyǵý emes, uzaq merzimdi beibitshilik bolýy kerek dep málimdedi.
