Frantsiianyń ońtústigi men Italiianyń soltústiginde sý tasqyny saldarynan kem degende tórt adam qurban boldy, dep habarlaidy Euronews agenttigi.
Qutqarýshylar iz-tússiz joǵalǵan ondaǵan adamdy izdestirýde. Izdeý jumystaryna áskeri qyzmetkerler, órt sóndirýshiler jumyldyrylǵan, Frantsiia biligi kómek retinde tórt tikushaq jiberdi.
Italiianyń Pemont jáne Ligýriia aimaqtarynyń biligi úkimetten tótenshe jaǵdai rejimin engizýdi surap otyr.
Juma kúni Frantsiia men Italiiany «Aleks» daýyly jaipap ótti. Sý aǵyny úiler men kópirler shaiyp ketti. Qazirgi kezde qutqarýshylar bar múlkinen aiyrylǵan adamdarǵa kómek kórsetýge árekettenip jatyr. Kókshil jaǵalaýda nebári jarty kún ishinde jartyjyldyq ýaqytqa tatityn jaýyn-shashyn normasy (500 millimetr) túsken.
Frantsiia premer-ministri Jan Kastekstiń aitýynsha, elde mundai jaýyn buryn-sońdy bolǵan emes.
