Beisenbi kúni Frantsiia men Italiia koronavirýs infektsiiasynyń táýlik ishindegi ósimi jaǵynan antirekordty qaita jańartty. Mysaly, Frantsiiada bir táýlikte Covid-19 indetin juqtyrǵan adam sany 30 myńnan asty, dep habarlaidy BBC News agenttigi.
Beisenbide Frantsiiada qaýipti virýs juqtyrý oqiǵalary sanynyń kúrt óskeni belgili boldy – onda COVID-19 juqtyrýdyń 30 621 oqiǵasy tirkeldi. Salystyrmaly túrde, sársenbi kúni elde indetke shaldyqqandar sany 22 591 adam dep tirkelgen.
Frantsiia prezidenti Emmanýel Makron elde indet juqtyrýdyń ósip jatqan deńgeiimen kúres júrgizýge baǵyttalǵan sharalar qoldanǵany jóninde atap ótti.
Sársenbi kúni prezident Makron eldiń keibir bólikterinde komendanttyq saǵat engizilgeni týraly málim etken. Parij qalasy, onyń mańyndaǵy Marsel, Lion jáne taǵy basqa eldimeken turǵyndary senbi kúngi saǵat 21:00-den tańǵy 06:00-ge deiin tórt apta boiy úilerinen sebepsiz shyǵa almaidy.
Makronnyń aitýynsha, osyndai sharany engizý bir táýlikte COVID-19 juqtyrý jańa oqiǵalarynyń sanyn 3 myń adamǵa deiin qysqartýǵa baǵyttalǵan.
Italiiada jańa antirekord tirkelgen – sońǵy táýlikte onla koronavirýs infektsiiasyna 8 804 adam shaldyqqan. Bul aldyńǵy kúni tirkelgennen shamamen 1500-ǵa kóp, dep habarlady ANSA agenttigi.
Italiia agenttigi jańa virýstan tirkelgen ólim oqiǵalarynyń sany táýlik ishinde shamamen eki ese – 43-ten 83 oqiǵaǵa deiin óskenin atap ótti. Pandemiia bastalǵannan beri, elde 36 myńnan astam adam qaitys bolǵan.
