Foto: insports.kz
Frantsiia tyńshylyq pen kibershabýyl qaýpine bailanysty Resei, Belarýs jáne basqa elderden kelgen júzge jýyq adamǵa, jýrnalist, fizioterapevt jáne tehnikalyq qyzmetker retinde Oiyndarǵa qatysýǵa ruqsat bermedi, dep habarlaidy "Ult Aqparat" inbusiness.kz saityna silteme jasap.
Onyń aitýynsha, quqyq qorǵaý organdary Olimpiada oiyndaryna jumysqa jiberilgen 960 myń qujatty teksergen. Nátijesinde 4340 adam, onyń ishinde volonterlar, stadion jumysshylary, sport delegatsiialarynyń músheleri jiberilmedi. Sondai-aq ministr yqtimal barlaýshylardyń Frantsiiada ne isteýdi josparlaǵany týraly pikir bildirdi.
"Olar terakt jasaý úshin kelmegen shyǵar. Biraq, olardyń barlaý men dástúrli tyńshylyqtan basqa, kibershabýyl jasaý úshin kompiýterlik jelilerge qol jetkizý múmkindigi bar. Biz saqtyq qaǵidasyn ustanamyz", — dedi Jerald Darmanen.
Darmanin Reseiden kelgen kóptegen "jýrnalisterge" kirýge tyiym salynǵanyna qaramastan, frantsýz biligi "Halyqaralyq Olimpiada komitetinde" jumys isteitin reseilikterge ruqsat berdi dep túsindirdi.
Frantsiia IIM basshysy sondai-aq barlaý qyzmetteri "Terrorizmniń radikaldanýyna jol bermeý" (FSPRT) tizimine engizilgen 19 adamdy jáne S tizimine (el qaýipsizdigine qaýip tóndiretin adamdardyń tizimi) 139 adamdy anyqtaǵanyn aitty.
Jazǵy Olimpiada oiyndary Parijde 26 shilde men 11 tamyz aralyǵynda ótedi. Halyqaralyq Olimpiada komiteti reseilikterdi beitarap sportshylar retinde jáne birqatar kriteriilerge sáikes Oiyndarǵa qabyldaý týraly sheshim qabyldady. Buǵan jaýap retinde kóptegen sport federatsiialary Olimpiadaǵa boikot jariialady. Nátijesinde jarysqa tek 15 reseilik jáne 16 belarýs sportshysy qatysady. Olar beitarap mártebede óner kórsetedi.
