Bendjamin Holl. Fox News videosynan alynǵan kadr
Amerikalyq Fox News telearnasynyń prodiýserleri jýrnalist Bendjamin Holl Ýkrainadaǵy qaqtyǵys týraly reportaj kezinde jaraqat alǵanyn aitty, - dep habarlaidy Tengrinews.kz tilshisi Daily Mail-ge silteme jasap.
Kúndizgi jańalyqtar júrgizýshisi Djon Roberts oqiǵa ornyndaǵy komanda áli de mán-jaidy anyqtap jatqanyn aitty.
"Tilshimiz Bendjamin Holl Ýkrainadaǵy Kiev mańynda jańalyqtar jinaý kezinde jaraqat aldy", - delingen telearna habarlamasynda.
Telearna qyzmetkerleri arasynda taratylǵan jadynamada bas direktor Siýzanna Skott duǵa etýge shaqyrdy.
"Bul - kún saiyn óz ómirin soǵys aimaǵynan jańalyqtar jetkizý úshin basyn qaýipke tigetin barlyq jýrnalist úshin qatal eskertý", - dep jazdy bas direktor Siýzanna Skott telearna qyzmetkerleri arasynda taratylǵan jadynamada.
Keiinirek Pentagon ókili Djon Kirbi emdelip jatqan Holldyń jaraqatyna alańdady.
Sonymen qatar, Ýkrainanyń bas prokýrory Irina Venediktova Facebook-te jýrnalist jansaqtaýǵa túskenin, onyń eki aiaǵy synǵanyn aitty.
