Foto: Qazaqkontsert
Roza Baǵlanova atyndaǵy «Qazaqkontsert» memlekettik akademiialyq kontserttik uiymynyń «FORTE TRIO» memlekettik triosy Ottava qalasyndaǵy (Kanada) ańyzǵa ainalǵan «Carleton Dominion Centre Concert Hall» sahnasynda óner kórsetti.Kontserttik baǵdarlamada A. Jaiymovtyń «Kóroǵly» shyǵarmasy, S. Rahmaninovtyń «Elegiialyq trio №1» (sol minor), A. Arenskiidiń «Trio» (re minor), A. Piatstsollanyń «Kóktem» tangosy, halyq áni «Iapýrai» (Á. Tolyqpaevtyń óńdeýi), sondai-aq I. Bashkatovtyń óńdeýindegi «Án shashý» atty qazaq halyq áýenderinen quralǵan popýrri usynyldy.
Baǵdarlama akademiialyq dástúr men ulttyq áýezdi úilestire otyryp, qazaq mýzykasyn zamanaýi qyrynan jańa ári názik intonatsiialarymen tyńdaýǵa múmkindik berdi.
Is-shara Qazaqstan Respýblikasynyń Kanadadaǵy Elshiliginiń qoldaýymen uiymdastyryldy.
«FORTE TRIO» memlekettik trio ansamblin belgili pianist, professor, Qazaqstannyń eńbek sińirgen qairatkeri Timýr Ýrmancheev qurǵan bolatyn. Sondai-aq, trio quramynda talantty violonchelist Murat Narbekov jáne skripkashy Maqsat Júsipov bar. Joǵary kásibi deńgeii men bai repertýarynyń arqasynda óner ieleri elimizdiń eń tanymal kameralyq ujymdarynyń birine ainalyp, álemdik arenada qazaq mádenietin laiyqty túrde nasihattap keledi.
