Fort-Shevchenko ákimi Shalqybai Ázerbaev Túpqaraǵan aýdany sotynyń sheshimimen 15 táýlikke ákimshilik qamaýǵa alynady, dep habarlaidy Sputnik Qazaqstan agenttigi Lada.kz portalyna silteme jasap.
"Sot Ázerbaevtyń Aktaý – Fort-Shevchenko tas jolynyń úshinshi shaqyrymynda jeńil dárejede mas kúiinde avtokólik basqarǵanyn anyqtady", - dep málimdedi Túpqaraǵan aýdandyq sotynyń baspasóz qyzmeti.
Bul úshin 15 táýlikke qamaý jáne 7 jylǵa júrgizýshi kýáliginen aiyrý jazasy qarastyrylǵan.
"Sot otyrysynda Ázerbaev kinásin moiyndaǵan joq. Ishimdik ishpegenin, aýyrǵandyqtan spirtpen moinyn súrtkenin aitty. Prokýror ony kináli dep taýyp, 15 táýlikke ákimshilik qamaýǵa alý jáne 7 jylǵa kólik aidaý quqyǵynan aiyrý jazasyn berýdi surady", - dedi sottyń baspasóz qyzmeti.
Sot prokýrordyń ótinishin qanaǵattandyrdy. Qaýly zańdy kúshine engen joq.
