Amazon elektrondy saýda kompaniiasyn qurýshy ári basshysy Djeff Bezos Forbes jýrnalyndaǵy eń bai 400 amerikalyqtyń tiziminde birinshi orynǵa shyqty. Buǵan deiin reitingte 1994 jyldan beri Microsoft kompaniiasyn qurǵan Bill Geits birinshi orynnan túspei kelgen edi.
Bezos budan ózge 2018 jyly álemdegi dáýleti eń bai adam dep tanyldy. Onyń dáýleti 160 milliard dollar dep baǵalanady. Buǵan deiin Forbes reitingine ilingen bir-aq adamnyń bailyǵy 100 milliard dollardan asqan.
Budan buryn Bloomberg agenttigi de Bezosty álemdegi eń bai adam dep ataǵan. Agenttik biznesmenniń bailyǵyn 150 milliard dollarǵa baǵalaǵan.
Amazon kompaniiasynyń ózi kapitaly bir trillionnan asatyn Apple-den keiingi ekinshi iri kompaniia atandy.
Forbes jańa reitingisinde tabysy eń kóp ulǵaiǵan milliarder dep Twitter basshysy Djek Dorsidi ataidy. Onyń dáýleti bir jylda 186 paiyzǵa ulǵaiyp, alty milliard dollardan asqan. Tabysy qatty azaiǵan milliarder Djordj Sorostyń dáýleti 23-ten segiz milliard dollarǵa kemigen.
