Florida shtatynyń tyǵyz ornalasqan Tampa aimaǵyna "Milton" daýylynyń qaýpi tónip tur, bul jaǵdai shtat tarihyndaǵy eń aýqymdy evakýatsiialardyń birin týdyrdy, dep habarlaidy The New York Post.
Málimetterge sáikes, 5 millionnan astam adam evakýatsiialaýǵa shaqyryldy. Florida turǵyndary biliktiń keńesin tyńdap, dúisenbi kúni evakýatsiiaǵa kiristi. Joldardaǵy qozǵalys qalypty jaǵdaidyń 150 paiyzyna jetip, seisenbi keshke qarai ǵana retteldi. Degenmen, shtattan ketýge asyqqan amerikalyqtardyń kólikterimen kóptegen joldar tolyp turdy. Milton daýyly sársenbi keshke nemese beisenbi tańerteń Tampa shyǵanaǵynyń osal aimaǵyna jetedi dep boljanýda.
Bul aimaqqa bir ǵasyrdan astam ýaqyt boiy daýyldyń tikelei áseri bolmaǵany aitylǵan. Evakýatsiialaý týraly nusqaýlar adamdardy joiqyn jelden emes, daýyl tolqynynan qorǵaýǵa baǵyttalǵan. Floridanyń qatań qurylys normalarynyń arqasynda jańa ǵimarattar qatty daýyldarǵa shydai alady, biraq turǵyndar elektr qýatynan, sýdan jáne basqa da qyzmetterden aiyrylýy múmkin.
X áleýmettik jelisinde qoldanýshylar shtattaǵy kólik keptelisteri, bosap qalǵan kósheler men Milton daýylynyń áseri týraly videolardy belsendi túrde taratyp jatyr.
"Halyqaralyq baǵdarlamalar ortalyǵy" AQ ókilderi ózderiniń Telegram arnasynda pikir bildirip, qazirgi ýaqytta Florida ýniversitetterinde – Florida State University, University of Florida, University of South Florida jáne University of Miami – bilim alyp jatqan 31 stipendiattyń óz úilerinde ekenin málimdedi. Ýniversitetter ýaqytsha jabylyp, oqý protsesi toqtatylǵan.
Barlyq stipendiat jaqyndap kele jatqan daýyl týraly aldyn ala eskertilgen jáne kýratorlar olarmen turaqty bailanysta.
"Halyqaralyq baǵdarlamalar ortalyǵy" AQ baspasóz hatshysy Lázzat Týkýshevanyń aitýynsha, jaǵdai kúrdelense, shuǵyl sharalar qabyldanady, qazir jaǵdai turaqty. Barlyq stipendiat qaýipsizdik sharalaryn saqtap, jedel aqparat alý úshin bailanysta bolýǵa tiis.
.jpg)