Qazaqstan Prezidentiniń sheshimimen Fizýli qalasynda Qurmanǵazy atyndaǵy shyǵarmashylyqty damytý ortalyǵynyń irgesi qalanady, dep habarlaidy "Ult aqparat" Aqordanyń resmi saityna silteme jasap.
Memleket basshysy qazaq halqynyń atynan jasalǵan bul syilyq elderimizdiń dostyǵynyń, baýyrlastyǵynyń jáne ózara qoldaýdyń taǵy bir nyshany bolatynyn atap ótti.
Óner ortalyǵynyń jalpy aýdany – 3100 sharshy metr. Eki qabatty ǵimarat 600 adamǵa arnalǵan. Biyl qyrkúiek aiynda irgetasy qalanyp, 2023 jyldyń jeltoqsanynda paidalanýǵa beriledi.
Fizýli qalasyndaǵy Qurmanǵazy atyndaǵy shyǵarmashylyq ortalyǵy mýzyka jáne mýzykalyq aspaptar, zamanaýi tehnologiialar: jumys jabdyqtary, 3D modeldeý, veb-dizain, foto jáne video kýrstar baǵytynda jumys istemek. Sonymen qatar kilem toqýǵa, qolónerge, túrli sport pen horeografiiaǵa baýlityn synyptar ashylady.
Ilham Áliev Qasym-Jomart Toqaevqa sheksiz alǵysyn aityp, Fizýli qalasynyń balalary úshin álemdik deńgeidegi shyǵarmashylyq ortalyq bolady dep senetinin jetkizdi.
