Fitch Ratings reiting agenttigi Qazaqstannyń kredit reitingin BBB deńgeiinde rastady, boljam - «turaqty», dep habarlaidy primeminister.kz.
Agenttiktiń pikirinshe, Qazaqstannyń turaqty reitingi el ekonomikasynyń turaqtylyǵynyń joǵary deńgeiin kórsetedi.
Reiting agenttigi munai baǵasyna jáne koronavirýs indetiniń taralýyna bailanysty aiqynsyzdyqqa qaramastan, elde memlekettik qaryzdyń tómen deńgeii men qoldanystaǵy jáne yqtimal syrtqy kúizelisterdi azaitý úshin qajetti fiskaldyq rezervterdiń edáýir kólemi saqtalyp otyrǵanyn atap ótti.
Kredittik baǵalaý turaqtylyǵynyń oń faktory memlekettik institýttardyń sapasynyń jaqsartylýy bolyp otyr.
Fitch reiting agenttigi 2020 jyly ulttyq ekonomikanyń turaqtylyǵyn qamtamasyz etýdegi naqty sektordyń, onyń ishinde óńdeý ónerkásibiniń, qurylys pen aýyl sharýashylyǵynyń rólin atap ótti.
Agenttiktiń baǵalaýy boiynsha, 2021 jyly ekonomikanyń ósý qarqyny 3,5% quraidy. «Fitch Ratings» atap ótkendei, Ulttyq banktiń qubylmaly aiyrbas baǵamy saiasaty kúizelisterdi sińirýge múmkindik berdi.
Al teńge baǵamynyń ikemdiligi 2014-2015 jyldary munai baǵasy quldyraǵannan beri ekonomikalyq saiasat tetiginde eleýli jaqsartýǵa ainaldy.
Fitch Ratings agenttigi Qazaqstannyń egemen kredit reitingin odan ári arttyrýdaǵy negizgi faktorlar retinde ekonomikalyq saiasattyń boljamdylyǵy men tiimdiligin ulǵaitýǵa, sondai-aq el ekonomikasyn ártaraptandyrý jáne fiskaldyq rezervterin ósirý jónindegi sharalardy iske asyrýdy jalǵastyrýǵa baǵyttalǵan qurylymdyq institýtsionaldyq reformalardyń odan ári júrgizilýin keltiredi.
Buǵan deiin 17 aqpanda Qazaqstan ekonomikasyna qatysty pikirdi Moody’s kredit agenttigi jariialaǵan bolatyn.
Jańartylǵan kredittik pikirge sáikes, Qazaqstannyń reitingi Baa3 «Oń» boljamdy pandemiiaǵa deiingi kórsetkishterine sai keledi.
