Finliandiia táýekel tobyndaǵy 12-17 jastaǵy balalarǵa koronavirýs vaktsinasynyń III dozasyn egýdi usyndy. Ońtústik Koreiada sońǵy táýlikte indetti juqtyrýdyń antirekordy tirkeldi. Bul týraly Qazaqstanda COVID-19 taralýyna jol bermeý jónindegi vedomstvoaralyq komissiianyń Telegram-kanalynda jazyldy, dep habarlaidy QazAqparat.
AQSh-ta Senat koronavirýsqa bailanysty elde engizilgen tótenshe jaǵdai rejimin joiýdy qoldady. Respýblikashylar usynǵan bastamany 48 zań shyǵarýshy qoldady, 47 senator qarsy daýys berdi. Osyǵan qaramastan, Aq úi Prezident Djo Baidenniń qujatqa qol qoimaitynyn buǵan deiin habarlaǵan bolatyn.
Finliandiiada táýekel tobyndaǵy 12-17 jastaǵy balalarǵa vaktsinanyń úshinshi dozasyn salý usynyldy. Sonymen qatar Ulttyq densaýlyq saqtaý institýty 12-17 jas aralyǵyndaǵy barlyq balalarǵa úshinshi dozany meditsinalyq emes sebeptermen, iaǵni saiahattaý úshin qajet bolǵan jaǵdaida egý bastamasyn kóterdi.
Ońtústik Koreiada sońǵy táýlikte COVID-19 aýrýy boiynsha antirekord tirkeldi. Ótken táýlikte elde 266 853 jaǵdai anyqtaldy. Sonymen qatar, pandemiia kezindegi jaǵdailardyń eń kóp sany Vetnamda — 125 587 jáne Malaiziiada — 32 467 derek tirkeldi.
