Finliandiianyń VR Transpoint temirjol kompaniiasy (júk tasymaly boiynsha VR memlekettik temirjol operatorynyń enshiles qurylymy) 27 naýryzdan bastap Resei poiyzdaryn qabyldamaidy.
"Resei temirjolyna salynǵan sanktsiiaǵa bailanysty shyǵysqa qarai qozǵalý ázirge múmkin emes, VR Group Batystyń sanktsiiasyn oryndaýǵa mindetti", – deidi VR Transpoint prezidenti Martti Koskinen.
Finliandiiadan Reseige baratyn jolaýshylar poiyzynyń toqtaityny 25 naýryzda habarlanǵan. Eki eldi jalǵastyryp turǵan Allegro poiyzy 28 naýryzdan bastap toqtaidy. Kompaniia ókiliniń pikirinshe, Allegro poiyzdaryn ári qarai paidalanýdyń qajeti joq, óitkeni Reseiden ketkisi keletin finderdiń bári bul ýaqytta ketip qalǵan.
Resei Ýkrainaǵa basqynshylyq bastaǵaly AQSh pen onyń odaqtastary Reseidiń iri kompaniialary men bankirlerine, kásipkerlerine jáne Resei sheneýnikteriniń túrli sanktsiia salǵan. Sondai-aq, Eýropa odaǵy "Resei temirjolyna" 26 aqpanda sanktsiia salǵan.
