Finliandiia eliniń úkimeti elde koronavirýsqa qatysty jaǵdaidyń nasharlaýyna bailanysty 8 naýryzdan bastap úsh aptaǵa qatań shekteý engizdi. Bul týraly baspasóz máslihaty kezinde Finliandiia premer-ministri Sanna Marin málim etti, dep habarlaidy Yle agenttigi.
«8 naýryzdan bastap Finliandiiada lokdaýn engizilip, 28 naýryzǵa deiin sozylady», - dedi ol.
Engizilip otyrǵan sharalar aiasynda orta jáne joǵary synyp oqýshylary qashyqtan oqý formatyna aýystyrylyp, 12 jastan asqan balalar úshin sabaq ótkizilmeidi, sonymen qatar eldegi meiramhanalardyń jabylýy josparlanyp otyr.
