Finiko kompaniiasyna qatysty qylmystyq is qozǵaldy, dep habarlaidy "Ult aqparat".
Almaty qalasynyń prokýratýrasy janynda kóleńkeli ekonomika jáne qarjy piramidasyna qarsy kúres boiynsha múddeli memlekettik organdar qatarynan vedomstvoaralyq jumys toby turaqty jumys isteidi.
«Monitoring kezinde azamattardyń aqshalai qarajatyn ai saiyn engizilgen somanyń 150%-na deiin (eń tómengi salym 500 AQSh dollary) syiaqy berý shartymen tartatyn The Finiko kompaniiasy anyqtaldy. Kompaniianyń saityna sáikes, salymshylardyń sany ártúrli elderden (Qazaqstan, Resei, Qyrǵyzstan, Armeniia, Belarýs, Ózbekstan, Túrkiia jáne t.b.) 165 myńnan asady», - dep habarlady vedomstvonyń baspasóz qyzmeti.
Almaty qalasy prokýratýrasynyń tapsyrmasy boiynsha Qarjy naryǵyn retteý jáne damytý agenttigi kompaniianyń qyzmetine taldaý júrgizdi jáne qarjy piramidasynyń belgileri týraly qorytyndy berdi.
Osyǵan bailanysty, prokýratýra qatysy bar tulǵalardy anyqtaýǵa baǵyttalǵan birqatar is-sharalardy qolǵa alyp, Almaty qalasy ekonomikalyq tergeý departamentimen birlesip The Finiko kompaniiasynyń zańsyz qyzmeti rastaldy.
7 shildede sotqa deiingi tergep-tekserýdiń biryńǵai tizilimin tirkeý júrgizildi jáne QR QK 217-babynyń 3-bóligi boiynsha sotqa deiingi tergeý bastaldy.
Almaty qalasynyń prokýratýrasy sotqa deiingi tergeý barysyn baqylaýǵa aldy.
Joǵaryda atalǵan kompaniianyń qylmystyq áreketterinen zardap shekken azamattar Almaty qalasynyń ekonomikalyq tergeý departamentine +7 701 888 82 06 nómiri boiynsha habarlasa alady.
