Filippindi jaipap ótken surapyl daýyl saldarynan opat bolǵan adamdardyń sany 67-ge jetti, dep habarlaidy Reuters agenttigi.
Eldiń soltústik óńirlerin sońǵy qyryq jylda bolmaǵan sý tasqyny basyp qaldy.
Filippin Prezidenti Rodrigo Dýterte Kagaian ańǵaryndaǵy jaǵdaidy baǵalaý maqsatymen Týgegarao provintsiiasyna ushyp bardy. Bul óńirdi Vamko atty taifýnnan soń týyndaǵan tasqyn sý astynda qalǵan edi.
«Kagaian ańǵarynda 22 adam, Lýson aralynyń ońtústiginde - 17, Manila qalasynda – 8 jáne ózge eki aimaqta 20 adam kóz jumdy», - dep málim etti eldiń tabiǵi apattardy basqarý agenttiginiń ókili Mark Timbal.
Onyń aitýynsha, 12 adam iz-túzsiz joǵalǵan jáne Vamko daýyl saldarynan 26 000 úi búlingen.
