Ispaniia quramasynyń kapitany Rodri Halyqaralyq fýtbol federatsiiasynyń (FIFA) sheshimimen 2026 jylǵy fýtboldan álem chempionatynyń úzdik oiynshysy atandy. Osylaisha ispaniialyq jartylai qorǵaýshy týrnirdiń eń úzdik fýtbolshysyna beriletin «Altyn dop» júldesin ielendi, dep habarlaidy ult.kz.
Álem chempionatynyń finalynda Ispaniia quramasy qosymsha ýaqytta Argentinany 1:0 esebimen jeńip, álem chempiony atandy.
Rodri týrnir barysynda ulttyq qurama sapyndaǵy segiz matchtyń bárine qatysyp, komandanyń basty tirekteriniń biri boldy. Ol gol soqpasa da, nátijeli pas bermese de, qorǵanys pen oiyn uiymdastyrýdaǵy senimdi oiynymen Ispaniianyń chempiondyq jolyna eleýli úles qosty. Ispaniia quramasy búkil týrnirde qarsylastaryna nebári bir ǵana gol jiberdi.
2026 jylǵy fýtboldan álem chempionaty 11 maýsym men 19 shilde aralyǵynda AQSh, Kanada jáne Meksikada ótti. Týrnirge qazirgi álem chempiony retinde Argentina quramasy qatysqan bolatyn.
Buǵan deiin Ispaniia quramasynyń qorǵaýshysy Paý Kýbarsi álem chempionatynyń úzdik jas oiynshysy atansa, Frantsiia shabýylshysy Kilian Mbappe týrnirdiń úzdik surmergeni atandy.
