Tanymal qazaqstandyq Telegram-arnalardyń birinde COVID-19-ǵa qarsy vaktsina túrinde adamdarǵa «immýn tapshylyǵy egiledi» degen sybys tarady, dep habarlaidy "Ult aqparat" stopfake.kz saityna silteme jasap.
Telegram-da taratylǵan habarlamada COVID-19-ǵa qarsy vaktsinalar tsitokindik daýyl týdyryp, immýnitetti álsiretetini sonsha, tipti jai sýyq tiiýdiń ózi ólimge ákelýi yqtimal bolatyny aitylǵan. Buǵan eshqandai dálel joq.
Ol ishinara pandemiialyq tumaýdy modeldeýdiń ǵylymi toby (SPI-M) jasaǵan pandemiianyń damý modeline negizdelgen. Mamandar ony qurai otyryp, shekteý sharalary men olardy joiýdyń pandemiia kezindegi áserin túsinýge tyrysty. Stsenariilerdiń biri, eger karantindik sharalar alynyp tastalsa, biyl kúzde aýrýshańdyq artatynyn kórsetti. Bul modelde halyq arasynda vaktsinatsiia kórsetkishteri eskerildi. Alaida, keibir Jeli paidalanýshylary modeldi dál boljamdar dep qabyldady. Bul týraly tolyǵyraq jazǵan bolatynbyz.
Demek, egilgen adamdar kúzde maýsymdyq infektsiialardan óle bastaidy degen teoriia oidan shyǵarylǵan. Ol manipýliatsiialyq habarlamalar men qastandyq teoriialaryna negizdelgen. Búgingi tańda qolda bar derekter vaktsinatsiia deńgeii joǵary elderde COVID-19 aýyr jaǵdailarynyń sany kúrt tómendegenin dáleldeidi. Vaktsinanyń immýnitetti basyp, tsitokindik daýyl týdyratynyna eshqandai dálel joq.
