Qaznette «COVID-19 jasaýshylary anyqtaldy» degen aqparat tarady. Bul - Qazaqstandaǵy jańa biozerthananyń qurylysy týraly baiandaityn jańalyqtar beinesiýjetinen úzindi. Shyn máninde, bul jańalyqtyń pandemiiaǵa eshqandai qatysy joq jáne COVID-19 aýrýyn týdyratyn Sars-CoV-2 virýsynyń qoldan jasalǵanyn dáleldemeidi, dep jazady stopfake.kz saity.
Ótken aptada BAQ Qazaqstanda qaýipti jáne asa qaýipti shtammdar kollektsiiasy úshin jańa biozerthana men qoima salý týraly habarlady.
Jobany ázirleýshi – QR Indýstriia jáne infraqurylymdyq damý ministrligi. Vedomstvo mamandarynyń Sars-CoV-2 virýsynyń paida bolýyna eshqandai qatysy joq. Birinshiden, Ministrlik virýstardy zertteýmen ainalyspaidy. Ekinshiden, bul patogen alǵash ret Qazaqstanda emes, Qytaida tabylǵan. Úshinshiden, SARS-CoV-2 virýsynyń tabiǵi jolmen paida bolǵandyǵy dáleldengen, ony retsenziialanǵan Nature jýrnalynda jariialanǵan ǵylymi zertteý nátijeleri rastaidy.
Sonymen qatar, DDSU mamandarynyń delegatsiiasy Ýhandaǵy zerthanada tergeý júrgizip, virýstyń paida bolýynyń yqtimal nusqalaryn, sonyń ishinde onyń zerthanadan syrtqa shyǵarylý múmkindigin qarastyrdy. Alaida, bul teoriia rastalmady, bul týraly uiymnyń esebinde aitylǵan.
Patogendi zertteý barysynda alynǵan basqa ǵylymi derekter de onyń zerthanada jasalǵanyna negiz bola almaidy. Mundai qorytyndylar retsenziialanǵan The Lancet ǵylymi jýrnalynda jáne Science Direct ǵylymi portalynda jariialandy.
Demek, biozerthanany salý josparlary men SARS-CoV-2 koronavirýsynyń arasynda eshqandai bailanys joq. Sondai-aq, Qazaqstanda mundai nysannyń qurylysy patogenniń qoldan jasalǵandyǵyn dáleldemeidi.
