Qaznette bes jasar qyzben áńgimelesip jatqan dárigerdiń videosy tarady. Dáriger balaǵa COVID-19 qarsy vaktsinatsiiaǵa berilgen kelisimdi oqyp jatyp, vaktsina quramynda synap, formaldegidter, alynyp tastalǵan nárestelerdiń tinderi, al janama áserlerdiń ishinde emdelmeitin aýrýlar bar dep aitady. Munyń barlyǵy - feik, dep jazady Stopfake.kz saity.
Kámeletke tolmaǵandardy COVID-19-ǵa qarsy vaktsinatsiialaýǵa erikti túrde negizdelgen kelisimdi balalardyń ózderi emes, olardyń ata-analary nemese zańdy ókilderi beredi.
Budan ári Qazaqstanda balalardy vaktsinatsiialaý úshin paidalanylatyn Pfizer-BioNTech óndirgen Comirnaty vaktsinasynyń quramyna formaldegidter de, synap ta, ásirese, alynyp tastalǵan nárestelerdiń tinderi de kirmeitindigine nazar aýdarǵan jón.
Preparattyń quramy barshaǵa qol jetimdi, onymen kez kelgen adam tanysa alady.
Vaktsina quramyndaǵy ár komponenttiń qasietteri men olardyń fýnktsiialary týraly tolyq sipattamasyn Aýrýlardy baqylaý jáne aldyn alý ortalyǵynyń (CDC) resmi portalynan tabýǵa bolady. Sondai-aq paraqshada vaktsinada joq komponentter kórsetilgen: metaldar, sonyń ishinde synap; tiri tinder, sonyń ishinde náreste tinderi; konservanttar; antibiotikter jáne basqalar. Osy jerden preparattyń áserinen jii bolatyn jaǵymsyz reaktsiialardyń tizimimen tanysýǵa bolady. Oǵan videoda atalǵan aýrýlar kirmeidi.
Faktchekerler vaktsinalarda alynyp tastalǵan nárestelerdiń tinderi bolatyny týraly teoriiany joqqa shyǵardy.
Sonymen qatar, taratylǵan videoda COVID-19 qarsy vaktsinalar «tájiribelik gendik terapiia» ekendigi aitylǵan. Comirnaty vaktsinasy tájiribelik ekpe emes, óitkeni ol zerthanalyq synaqtardan ótti, janýarlarda synaldy jáne eriktilerdiń klinikalyq synaqtarynyń úsh kezeńinen ótti.
Comirnaty vaktsinasy gendik terapiia quraly da emes, óitkeni ol patsienttiń genomyna enip, áser ete almaidy.
Bul týraly sarapshylar men faktchekerler birneshe ret málimdedi. Bul teoriianyń resmi teriske shyǵarý týraly aqparat IýNISEF, CDC jáne Avstraliia densaýlyq saqtaý ministrliginiń portalynda jariialanǵan.
Osylaisha, taratylǵan video basynan aiaǵyna deiin feik bolyp tabylady jáne senimdi derekterdi qamtymaidy. Rolikti vaktsinatsiiaǵa qarsy adamdar qoǵamdy adastyrý jáne qorqytý úshin túsirgeni anyq.
