Búgin «Qazaqstan Respýblikasynyń Táýelsizdigine 25 jyl: nátijeler, jetistikter, keleshek kókjiegi» taqyrybyndaǵy xalyqaralyq konferentsiiada Túrkiianyń Uly ulttyq jinalysy tóraǵasynyń orynbasary Mexmet Akif Hamzachebi eki eldiń lańkestikpen kúres salasyndaǵy yntymaqtastyq bailanystary týraly sóz qozǵady, dep xabarlaidy Ult.kz tilshisi QazAqparat agenttigine silteme jasap.
«Qazaqstannyń iadrolyq qarýsyzdandyrý siiaqty asa mańyzdy salada kóshbasshy ekenin erekshe atap ótken jón. Sondai-aq, terrorizm men ekstremizmmen kúres jolynda batyl bastamalary úshin úlken qurmetke ie. Túrkiia osy saiasatty jiti baqylap, qoldap keledi. Ony ary qarai qoldai beredi de. Bárińiz jaqsy bilesizder, biyl shildeniń 15-si kúni Túrkiia asa aýyr synaqqa tap boldy. Fetxýllah Gúlenniń terroristik uiymy tarapynan áskeri-memlekettik tóńkeristi uiymdastyrýǵa degen satqyndyq áreketi Túrkiianyń konstitýtsiialyq qurylymyna, xalyqtyq aýyzbirshiligin buzýǵa baǵyttaldy. Alaida xalyqtyń ózi bul áreketke jol bermedi. Túrkiiada atalǵan terroristik uiymnyń jumysy toqtatyldy. Al baýyrlas Qazaqstan Túrkiianyń xas jaýyna qarsy jolda árqashan birge ekenin tanytty. Sebebi ol terroristik uiymnyń kóptegen memleketterde óz bailanystary bar. Biz Qazaqstanmen birigip sol asa qaýipti uiymdy tolyǵymen qurtyp, túbirimen birge joiý salasyndaǵy jumysty jalǵastyratyn bolamyz», - dep atap kórsetti Mexmet Akif Hamzachebi.
Aita keteiik, búgingi konferentsiiaǵa Túrkiia, Resei, Finliandiia, sondai-aq Eýropalyq odaqtyń ókilderi qatysýda. Sharany ashqan QR Parlament Májilisiniń spikeri Nurlan Nyǵmatýlin 90-jyldardyń qiyn qystaý kezeńin, sol kezdegi giperinfliatsiianyń xalyqtyń ál-aýqatyna qalaisha áser etkenin eske aldy.
